很久沒有更新, 當然係美股咁跌法無做任何防護措施, 長線短線價值投資, 似乎係21世紀都係得返夠短視, 有野就要食, 頂晒持有兩三年, 大把低位俾你買返, 真係咁都得
睇返今年最穩定個一批, 就當然係以收息個堆股票為首, 香港代表就823, 900, 331, 新加坡代表就MAPLETREE個四隻, 另外就指數成份股隻C38U, 收下息, 股價又識升, 又有埋高沽低買N個機會, 有時唔怪得人點解唔買股票, 主要買樓, 痴線幾個月堆你幾成, 買堆收息股有齊穩定息口, 股價升跌都有數計, 有6%息喎梗係買返啲, 6.5%息就仲正斗, 例如你睇隻900 先算, 有AEON超市, 就有超級星期三, 就有大量特價貨品, 就有一堆人有佢啲信用咭, 比想像中更加穩陣的收入, 就係咁
美股唔係唔好, 如果咁短時間, 由十月頭創新高到星期一就無左兩成, 明明MSFT, ADBE 好有前景都俾人怒沽, 有人話咪價值投資低位入, 問題係依家啲人係要求高到係相對高位走唔到, 跌左啲就即蟹咁就叫你唔識買股票, 咁可能之後升返就係你好彩, 跌就你抵死, 份工又真係好打, 因為由頭到尾都無入市, 幾好做。
==
無論如何, 下年又是新一年, 不要放棄信念, 不過總結依兩三年觀察的結論
1. 10-15%止蝕係必須
2. 股票比例一定要有收息股, 就係傳說中既現金流, 其他BLOG寫得太出色無謂講太多句, 最多有收息股值得分享會繼續分享, 暫時繼續睇好新加坡既M44U, ME8U, 收購+增長, 比較進取
3. 分注入, 如果第一注都不能贏錢, 就千萬不要溝淡, 但似乎收息股未必適合, 除非基本因素有變
4. 去到某一個高位可以有收穫時就轉為持有現金, 都係股轉現金, 現金轉股, 或者股轉股, 都唔駛俾咩長線, 價值投資既包袱束縛住, 想買賣或者想食糊完全係自由個人決定, 可以既就分注收成, 唔駛十上十落之類
人人策略不同但希望減輕心理負擔, 會發揮得比較順暢啲