美股及科網股長線投資網誌

2026年5月6日星期三

AMD破頂, DRAM (ETF) 五星期持續破頂, 傳統科網股被遺忘

三月就天天跌

四月就天天升, 買啱野就直頭改變人生既財富

到左五月頭幾日, 情況依舊繼續

你唸下, 例如V, MA 比較傳統既公司, 明明都賺取全球收益, 盈利又增長, 又有buyback program, 股價繼續持續不振, 過多幾年如果都繼續收窄估值, EPS 繼續上升但得返10倍PE, 咁依家既股價又真係無上升空間。但明明又定價權在你手, 市場依舊無反應。

唯一稍為有點反應就應該係AMZN, GOOG, 破頂再破頂, 真係守業幾年來一個大爆發。

近星期全地球追逐緊既板塊, 其中二個一定是CPU:GPU RATIO + Memory, 前都現在由AMD主導, 如果未來AI 玩到要CPU比例, AMD 都有參與CPU製造 (INTEL 一定關事, 係關大事定細事咁解), 所以一出業績, 不錯的願緊, 股價又再上升一成以上, 離萬億市值不遠矣, 有啲值頭講明要追NVDA 市值, 咁仲有十倍上升空間, 當你唔得, 永遠係得AVGO 啲水準, 都有3-4倍增長, 財富增值足夠改變一生選擇。

Memory ETF 最重要包左三星, 海力士, MU (佔左75%), 依家大確 ~$45-46, 大家係度估由於DEMAND 實在太大, 公司做唔切, 依家PE先得5X, 當成個行業被看好, 改變估值, 又有盈利極速增長支持, 雖然今年都升左一倍以上, 但部份人指出依隻ETF 最終可能值 ~$200 (2030年左右), 有信心又無咩唸法, 可能買一買都未必會太差。

當然還有半導體ETF SMH 都是AI時代必須要有的公司, 買多買少睇自己信念, (我自己就好少, 非常悔恨自己)

最後, 唔好睇少BRK.B, 如果持有現金 vs BRK.B 來看, 還是將部份錢轉為持有BRK.B 還有機會不用輸通脹, 揸現金做活期 / 定期係有一定緊急需要, 但大部錢還是需要放入市場增長, BRK好, SPYM好, QQQM 好, 就算無增長一倍二倍, 都有8-15% 年增長, 是必需的。

豪哥, 黎到第34屆終於完夢

(如果睇原片, 仲有同秋生哥合照, 有興趣可以睇)

上年係咁講, 「大家好, 我係謝君豪」

2026年4月23日星期四

回升後指數繼續破頂, 再破頂

上個月今日, 啲美股日日跌, 天天跌, 真係日日都好似懷疑人生咁

過左最難過的三月尾, 就突然好似迫夠啲貨沽晒出黎, 之後黎個天天升既大升

和上年三月尾四月頭基本上無分別, 想跌就跌, 想升就升

跌市顯示個股價值, 升市顯市個別股份未來前景

究竟怎樣處理升升跌跌既股市, 但又可以令自己資產同時得益? 買指數ETF作長遠投資, M2繼續升, 銀紙繼續貶值, 如果以S&P500 回報作為基準, 大概可以對抗銀紙長遠貶值的惡果, 好得人驚, 真係焗賭無得唔玩, 唔玩棄GAME 輸多幾成, 但唔知自己輸左。

最簡單例子, 十年前普遍茶仔幾錢一餐飯, 依家幾錢一餐, 起碼差幾成, 稍為貴啲既餐廳又係差幾成, 即用現金買野啲野愈買愈貴, 咪就係銀紙貶值左。

結論: 趁回調入指數ETF, 月供ETF, 周供ETF, 用自己適合自己既方法, 一定要買入持有等收成, 無興趣無時間就買左唔洗睇, LOGOUT 個ACCOUNT, 等幾年自動增值, 再增值

當S&P500 ~12% 年回報, 72 RULE, 6年左右升一倍; 再6年升多倍, 所以18年之後理論上

$100*2*2*2 = $800, 多左700% 錢, 叫做和通脹同步, 咁先係起碼唔駛輸。

Youtube 剛睇到曾生信箱, 香港買唔買樓都可以參考一下。

2026年4月14日星期二

見底後繼續回升

確實長線投資才會是最後贏家, 就上月尾一片悲觀心態, 只不過1-2星期來一個反轉, 普通投資者又怎會可以跟到市場回報? 唯有是長線投資, 不槓桿, 當做定期, 跌就繼續持有, 升又繼續持有, 有股息收入又將投息買入去ETF, 日積月累, 買個堆美股ETF 如SPYM, QQQM, BRK.B, 進取一點就SMH, SPMO, VGT, XLK, 睇長遠一點, 5年10年, 當一年12%回報, 每6年本金升一倍, 12年就多300%, 18年就double 再double 再 double, 就算最後得四倍回報先算, 都已經係很不錯的回報。

(其實我都係提醒自己, 唔好有太多自己想法, ETF係皇道, 沒有其他)

世民兄講煙草和社交媒體, 其實都有不少相似之處, 戒社交媒體但可以投資落去。

2026年4月8日星期三

美股試左第一次底之後隨即回升, 指數甚至乎高於200天平均線

暫時走勢似上年3-4月, 來一個急速回調, 然後就慢速回升, 今次係咪咁複製咁著數就真係無人知, 所以都係趁跌入下啲ETF, 突破左啲牛熊位又可能入返啲補下貨, 其實都係升升跌跌, 長線好過做定期, 短線總會有波幅, 反正回報不是線性向上, 有時高回報, 有時負回報, 倒不如專心做自己喜愛的事情會更加美好。

剛看的youtube

<<風的形狀>>

脂肪肝+三高+心臟病的關係

2026年3月18日星期三

ETF(2): QQQM / QQQ (Nasdaq-100 指數追踪ETF)

講完SPYM / VOO, 當然要講一下QQQM / QQQ, 回報上相對S&P 500會多一點但波幅也是相對多一點, 所以利用不槓桿的方式長期持有, 最好當然趁回調+估值低買入增加勝算, 平均一年可以有>15%的投資產品, 有升有跌之下最後都係升, 其實都幾唔錯。

Top 10 holding (Yahoo: https://finance.yahoo.com/quote/QQQ/holdings/)

不計股息, 由2011年到現在的每年回報

咁啱市好去到上年平均回報去到17.5%, 今年回報依然是負數, 可能用幾年時間睇返依一刻買入係相當超值, 或者可能好似有啲報告話齋, 有AI 就唔洗要人腦, AI 統計地球, 只要信不要問, 講左話係咁就係咁, 有咁無著數? 自己想 (個個寫野既人都補依句, 自己想, 明明我睇完啲文都會自己想, 係唔俾佢自己唸法啦, 拍電影就OPEN END, 篇篇文都自己想, 有時唔知點想)

簡單啲,

NVDA好似很好, 前三幾個鐘話要回購股份

蘋果繼續IPHONE生態圈

微軟就自己傻仔跌, 因為無人有OFFICE架喇, 無人用AZURE, 全部都好簡單既野架咋嘛

AMZN又係廢柴, 咩鬼野AWS, CLOUD, 又話有廣告收入又乘, 唔升就垃圾

仲有咩alphabet (GOOG), 英文字母咩, 又Gemini 又TPU又GCP, 最勁咪得個search engine + youtube, 好容易俾人取代架姐, (你試下由頭去取代下, 照炒都取代唔到)

所以廢話真係好多, 最終都係買入ETF, 持有等收成, 但謹記要低調一點。

===

今朝見到的好人好事, 香港人並沒有忘記。