VOO (SPLG), QQQ (QQQM), BRK.B 能否再創新高?

話說上星期有三兩日美股曾經有三幾個% 回調, 跟住高手們就叫大家 happy trading, 間中講下自己short S&P 500, 然後定止蝕, 再 short 再止蝕, 終於SHORT啱左, 然之後就繼續破頂去。

所以有時好矛盾, 長線又50天線過200天線, 未跌穿又因為跌穿10, 20天線然後可能要做啲短線沽貨, 然後又突然又升返喎, 又要補倉都補唔切, 所以睇走勢, 又要睇估值, 然後又有一堆快速成長股等緊你, 所以都幾花時間搞, 最後都係指數ETF最好, 平均入, 頂得順四月大調整, 又創新高, 前提係頂得順四月調整。

頂得順得幾類人:

(1) 買左唔理+唔睇, 局外人咁, 升跌關我叉事, 高手黎, 心中有股心中無股, 抵佢跑贏通脹

(2) 一早沽左, 低位有價值增持返, 都係高手黎, 升跌都贏晒, 有很多依類人

(3) 長線投資, 堅信自己看法, 搵啱股王坐定定到終點, 高手中既高手, 通常真係好低調

講返主題, 係咪會創新高? 睇NVDA 業績, 未來方向, 如指數計咪下GOOGLE 幾時重新估值, 個GEMINI咁好用, 廣告收益又增加, CLOUD又持續增長, 近日又再創新高, 指數靠NVDA, GOOG, 再加 AVGO 三間野頂上去, 睇下係咪可以令指數破頂去。

***************************************

(20250826 US stock close)

SPLG

QQQM

BRK.B

香港銀行 美元「新資金」做定期的做法-Aug 2025

雖然美股升得很好, 但有時都唔會成副身家堆落去美股度, 港元息口又唔太高, 咁美元定期相對高息, 趁仲未減息前開始做美元定期, 但又要新資金先有高息, 究竟有無免費網上轉美金 (由銀行A轉去銀行B, 轉美金, 不用手續費), 或者要用比較落後既美金支票轉美金? 純粹分享未必係最有效率。

(1) HSBC, Hang Seng Bank, CitiBank (匯出匯入不用手續費)

(2) Standard Chartered (SC) (匯入不用手續費, 但匯出要手續費, 所以要用美金支票匯出)

今年我見銀行登記方法容易左, 基本上之前用HKD 轉過錢, 如果係相同銀行戶口號碼, 例如在HSBC 選匯出美金去 Hang Seng, 選取匯出美金去Hang Seng Bank, 咁就可以轉到錢過去, 基本上 HSBC <-> Hang Seng Bank 轉美金速度最快, 未至於即時但一個鐘之內基本上做到

SC 因為有高息活期戶口, 所以有時都值得放入去活期收息, 但轉返出黎就要利用美元支票轉出慳返手續費, 基本上網上理財部份就可以申請到支票簿, 如果做唔到再留言睇下用不用做一個教學。

總結: 轉美金收息不難, 轉美金去其他銀行變新資金都不難, 利息係咪高就睇下比較緊啲乜, 依家興買SGOV 黎收債息, (我個人就傾向VGLT 嘗試賺息+賺價, 但暫時都係失敗), 所以純粹作為分散資金係銀行, 股票戶口之類。

==

https://www.hsbc.com.hk/accounts/offers/deposits/#preferential-new-fund-time-deposit-offers

https://cms.hangseng.com/cms/emkt/pmo/grp06/p04/eng/index.html

https://www.sc.com/hk/zh/deposits/marathon-savings-account/?intcid=web_listing-sc_com_top_nav-na-staticmedia_others-sng-na-banking_marathon_savings_account-sc_com_organic-hk-zh

率先到達$200股價, 由GOOGLE 贏出

有時同朋友講起, NVDA, AMD 定GOOGLE 率先到達$200股價, 咁拆細前NVDA, GOOGLE都去過$200, 但到拆細後, 究竟邊間公司到$200先? 

昨晚GOOGLE 跑出, 再度升穿$200 水平, 證明有價值的公司, 升得慢但都係會到達

但NVDA? 昨晚破了頂只要升多十幾個% 就到五萬億市值, 以現在走勢應該業績前可望到達, 無野阻到NVDA上升。

AMD? 調整了一日就調頭上升, 可以好快但又可以無咁快, 都有機會今年內升穿$200

所以無野無可能, 有個「勢」就坐住上, 無「勢」就無謂搞太多野咁解。