重覆犯錯

其實今年都重覆犯錯幾次

因有利潤無鎖定跟住一兩日就無一截利潤, 非常遺憾

所以要披露的應該是觀察住某部份股, 買賣都係分享會比較好啲

雖然我還是相信港股或美股受季結影響, 夾硬沽低個股價, 都幾次都係咁

先尾二個星期將個股價推高佢, 到最尾一星期推低個股價做季結, 今年三月六月都係咁, 原來九月都係咁.......今個月據講內地基金被迫沽700, BABA 因要保持10%持股, 一係就減持股, 一係就增大基金個BASE

===

最後想分享英SIR上個月寫的文章, 我就見今日啲人就係問股個時, 啲淡底既人就叫你沽晒佢, 或者叫你小心啲, 或者利申個時無持股, 咁即係你問緊一個花生友隻股點睇時, 花生友梗係見升睇升, 見跌睇跌, 永遠叫你小心不會錯

====

https://zh-hk.facebook.com/%E8%8B%B1%E4%B9%8B%E8%A6%8B-%E5%9F%BA%E9%87%91%E7%B6%93%E7%90%86%E9%BB%83%E5%9C%8B%E8%8B%B1Alex-Wong-112243028856273/

英之見 - 基金經理黃國英Alex Wong

8月28日 18:28

信報<英眼狙擊>: 好景難逢要駛盡𢃇 敢於起手學杜蘭特

「Shoot the ball！」上年NBA季後賽，雷霆大戰勇士，當時仍然効力雷霆的杜蘭特，在隊友羅拔臣完全空晒也不敢起手射三分波之後，對他怒吼這一幕，不時還在腦海中浮現。

網上經常有不少善意回應，勸筆者不要去得太盡，要小心貪勝不知輸。可是，好景不會每日常在，遇上好機會就要出擊，否則只會像羅拔臣一樣，傳多一下固然不保證會有更好機會，甚至對手見到信心不足，故意漏空，增加其他隊友的壓力。做基金經理和做球員一樣，面對責任就要承擔，應該搶分就搶分，不能夠無故退縮。

當然，不會無止境睇好，出現不利變化，筆者一定義無反顧追沽。過去多年的戰績已證明沒有任何思想包袱。不過，無端白事先天下之憂而憂，則絕對是大忌，這個行業成敗論英雄，為了閉門造車的理由靠邊站，錯失大浪，一定會被狠狠批評。

散戶不用交代，傾向保守是合理，勸人審慎的評論永遠啱聽，當然小心一點不算過分，本質上不會錯，而且對很多人而言，提供了庸庸碌碌、一事無成的開脫。連某某名家都講過要小心呢樣、小心嗰樣，按兵不動又怎會錯，即使已錯過了恒指幾千點升幅。

莫做發波瘟羅拔臣

最諷刺是不少人竟然說淡友在講真話，錯到七彩又怎會是真話？淡友只不過是講了閣下想聽的安慰說話，所以才被誤以為是誠實。互相安慰，虛度年華，錯過極之罕有的賺錢機會，然後自我感覺良好，其實可憐又可憫。

不如反省一下會否像羅拔臣一樣，對手畀晒機會你任射，偏偏自己射術不精，無信心，不敢承擔勝負的責任去起手，永遠選擇表面上沒有錯的傳波決定。

杜蘭特是超級球星，轉投勇士，揀了一條輕鬆奪冠之路，這個選擇惹人非議，但之可以登頂，兼且拿下決賽最有價值球員，首要條件是不怕起手。

筆者咁多年來走過高山低谷，其中一個體會是只有雪上加霜，從來不會有雪中送炭，處境就與剛季的杜蘭特一樣，萬一失手，就會有無盡批評恥笑即時送上，明知如此，自然有風駛盡𢃇，應該起手就不能夠猶疑。