一星期既盈利一下子俾尋晚美股大跌就跌返晒出黎
如果成日都要睇住升幾多, 跌幾多其實都幾辛苦, 所以就繼續改善策略, REITS或高息股比例會多一點, 相對穩定既大型股又保持返類似比例, 細型啲但有想像空間既就少一點, 咁就算數, 都係心理問題
==
港股, 果然今星期出物業管理業績加埋有新上市既物管股, 成抽物管股係有反應地上升, 我就成日當佢同人地MSFT啲每月/每年付費MODEL賺錢比較, 其實都係定時有收入, 隨著通脹又會自動增大收入之類, 所以長升長有係有啲原因, 但故事似乎仲係起步到中間, 尚未到飽和點, 會繼續留意及買入, 但波幅大要注意注碼控制
==
美股就星一至星四都痴左線, 成堆CLOUD RELATED公司不斷破頂再破頂, 就星期五爆破左回調一下, 唔代表後市唔好, 總係覺得三月季結總要做得唔好太高咁下季又唔駛太辛苦咁, 所以睇下個月頭開出黎係咩環境先算
==
美國唔加息, 下年話加一次, 睇埋三人行兄既文章, 又黎到最唔值錢本身就係錢, 因為你印我又印, 唔印就蝕底, 係唸下點對抗印錢紙依下先係未來面對既挑戰
(1) 例如買資產如REITS, 樓, 因錢無限但資產似乎有限, 你出五舊水買, 我大你兩舊, 人地再大多一舊, 到下一次就可能我出八舊, 人地出十球, 個起點不斷提升, 又真係無辦法地正確
如香港市場啲高息股, 雖然升左唔少但點都要有個買入點, 分段入, 其實都係331, 900和BLOG界最紅既1883 似乎係分段吸納之選
新加坡REITS繼續上升, 吸引力差左啲但仍然有選擇, 例如CJLU, CRPU之類, 前排我加左啲新加坡人既BLOG LINK, 睇人地點做食息達人, 有啲持續十年以上齋新加坡REITS, 可能會繼續以股代息咁滾落去, 好厲害, 可以參考下, 當然本地有唔少BLOGGER已做到
(2) 另一樣就梗係INDEX FUND, 月供好, 一次過買入等收成好, 都係要行動先會成功, 例如港股就2800, 納指就QQQ, S&P500 就VOO, 隻VOO啲管理費, 前排都仲講緊0.04% 但為左迎接挑戰, 減到0.03%, 但我地所謂MPF要0.7%, 1% 以上, 唔識睇
==
其實黎黎去去都係
(1) 收息再投資 (例如2800 收左息, 再將啲息買多啲2800, interest earn interest, 就係傳說中時間係你朋友)
(2) 增加資本 (一百萬6%回報, 和一千萬6%回報, 係丫同樣有6%回報, 但錢WIRE 上少左個0)
用黎對抗印銀紙
沒有留言:
張貼留言