2019年第16個星期總結

今星期早點寫今星期總結

由於做左佛系投資法 / AUTO PILOT MODE, 人都輕鬆左啲, 要慢慢適應放慢腳步既日子, 就講返少少業績

美股由於轉左主力做ETF 投資(VOO, QQQ), 所以有時依隻勁, 個隻回返啲, 但兄弟夠多夠勁, 所以拉埋都係向上, 其實都幾著數, 如果勉強要找隻好有價值又錯緊價既要投資, 可以考慮一下UNH, 近排俾人長期唱淡, 但長期有價值

業績想講新加坡KEPPEL三兄弟, AJBU, A7RU, CMOU

AJBU, 全力做DATA CENTRE, 今日同啲朋友講開電競, 依家講到GOOGLE已經可以將個遊戲放上CLOUD, 用戶只要有足夠連線能力就可以玩到高畫質既遊戲, 除左電競仲有辦公室個堆軟件應用, 又係CLOUD, 咩都CLOUD, 搞到DATA CENTRE定價能力一啲都唔弱, 今季出左業績都幾理想, 尚有大量改善空間, 會繼續持有及留意

A7RU我成日就同331比較, 大家雖然業務好唔同但都係啲業務唔起眼但又有必須為大前提, 所以現價約有8%其實無咩理由會唔繼續持有落去, 係差在會否增持

CMOU, 美國物業為主, 現價又係超過8%息, 以美金計價, 又係一年比一年有派息增長

下星期新加坡REITS會繼續派成績表, 另外香港代表一定係900 係24/4 出業績, 都係全城期待之選黎, 唔買都要睇下究竟派息可以有無超過預期既增長。

===

排除萬難, 利記爭歐聯和聯賽進入直路, 要繼續贏落去, 不要有一絲鬆懈, 機會就在自己手裡面 + 等人地失分, 幾廿年難得機會, 切勿放棄。。。。

2019年第15個星期總結 / 電話咭(二)

今星期尾開始組合正式進入佛系階段, 突然發覺時間很好有, 要保持著係種感覺

港股就繼續900, 331, 1883, 46 為收息主力, 隻46周中突然抽升創新高, 都係不賣不買繼續放係度

新加坡股就繼續ME8U, CJLU, CRPU, 等等, 加埋再高息一點的CEDU, A7RU 就差唔多形成一個新加坡既收息組合, 睇下香港收息組合大戰新加坡收息組合, 最後邊個會取勝, 最好既結果就梗係大家一齊贏

美股組合除左講黎講去既MSFT, V, AMZN 放係度之外, 主要係ETF 個兩隻QQQ, VOO 有佢自我增值, 底線係跌穿二百天線止賺或止蝕....

就係咁, 升升跌跌好浮雲, 如果做到十年升一位(即7%回報一年), 廿年升四倍(其實都係7%回報一年, 因為$100x2x2=$400), 都係已經理想回報吧, 要求不要太高或者太低, 但完全唔做野就肯定搞掂左個purchasing power(印銀紙)

==

近排電話咭大戰繼續有利用家

話說中移動出左張30GB一年使用既卡"鴨聊佳", 賣$120-130左右

和記張藍咭提升到30GB任用+20GB社交網絡, 賣$160左右, 可以增值續期

同埋我見周街都幾容易買到啲咭黎用, 如果啲人帶咭轉儲值咭 + 買一張上網咭, 電話費支出真係唔高, 就算黎所謂5G應用, 如果價錢太貴不能普及, 最終都睇黎4G尚有一段時間先會收工

==

就係咁, 除左資本增值, 尚要在適當既時間將支出減少都係有一定需要, 不過都係純個人喜好野黎, 例如部機得一個SIM咭位, 或者內存唔夠要用SD CARD, 基本上就唔太用到依個方法了