2019年11月尾更新-US stock + Singapore Reits / Business Trust

繼續堅持, 堅持再堅持

You will never walk alone

===

美股

基本上升到無位加注

只好倒返轉, 買返啲有息派既股份如AMT, CCI, WM, DLR, 人棄我取

如果下月有調整都會加返啲注迎接2020年

==

新加坡REIT / Business Trust

業績公佈完左就靜返一段, 近排都係等派息, 可以做既係如有個別股份可能集資導致股價下跌, 只製一個Black Friday 既折扣, 咪買返少少幫襯下, 今日買左多點SK6U

基本上趁依段時間仲會繼續加大點注碼, 只要有合理股息就很理想

目標主要係SK6U, tech 個四隻和first tier 個幾隻, 主要係收息, 派息增加, 及股本增長, 要三樣有潛力做齊會入返啲

2019年11月中更新-美股及新加坡REIT/Business Trusts

似乎政府會繼續唔回應, 濫權會繼續濫權, 已經不能回頭了

==

美股

係升市講美股其實都無野好講

唯一可以講係CLOUD RELATED既公司穩定返

睇下遲些少出業績如CRM, WDAY, ADBE會唔會有驚喜抽返高做個年結

如果今年睇年頭無俾市場影響住揸住堆股票, 或者股神上身$150買AAPL, $100買MSFT, $130買VISA, 或者月供住啲VOO, QQQ, 都好難無一個穩定增長, CLOUD RELATED公司係波幅大, 但前景仍然美麗, 前期開發, 後期收成, 非常合理, 睇返隻SHOPIFY 又俾人話假數又乘, 最後今年由$100 衝上$400 再回到$300....前車可鑑, 如有同路有持有NOW, WDAY, CRM, 小注繼續博倍升, 其他穩定如MSFT, V, MA 持有可繼續, 如有調整又可增持, 升要有貨, 跌又有錢買貨, 升太高又可以沽少少

==

新加坡REITS / Business Trust

依幾星期有所調整, 尤其係今個星期一, 打九折八折俾你任買, 依家仲係特價時段睇下有無把握機會去增持一下。至於RW0U 已經放棄左。

講2隻出左業績

1. CJLU: 一如預期, 派息增加, 今年年頭大特價時$0.8, 當星期五收市$0.925, 加埋收左兩次股息, 回報已很錯, 但重點係未來回來能否再穩定增長派息, 個人答案似乎係會

2. A17U: 業績都係一如預期DPU輕微增長, 但有新既收購價位只係$2.63, 未除淨前仍然講緊~$3.1, 一除淨後(半年息) 市場已經即刻有回應, 現價~$2.9, 當選擇買$2.63 係市場沽仍然有水位....其實都唔知市場點睇, 如果$2.63 計, 大概一年有6%, 未來五年DPU都係平穩增長, 如果沽左感覺上可惜小小

更新一下啲分類

Tech related: ME8U, AJBU, CJLU, A17U

1st Tier: N2IU, C38U, C61U, T82U, J69U, C2PU, SK6U

2nd Tier: M44U, BUOU, ND8U, K71U, JYEU, CY6U

High yield: A7RU, O5RU, BTOU, CMOU, OXMU, CNNU, UD1U, J91U

可先行考慮Tech related, 1st Tier 既REITS / Business Trust 先, 長遠收息+ growth of dividend, capital 會優先啲

2019年10月第四個星期更新-美股+新加坡REITS / Business Trust

業績踏入高峰期, 簡單講少少手上持有股票既業績和市況

==

美股

今星期一開始就扯落去, 主要跌未有盈利但cashflow強既股如servicenow, workday

另外就visa, mastercard, paypal 都一度扯埋落水

咁見到啲特價時段可以做既野就不斷分注撈, 買返多少支持下自己睇法

到周中至尋日就玩出業績升返上黎, 搞到好似完成左一個熊市變成一個牛市咁, 咁就真係啱晒啲短線客, 咁大波幅, 可贏戰役但不能贏戰爭啊, 因高處未算高, MSFT得到政府合約又再扯高左, 似乎就算短期見頂, 但明顯明年目標價會繼續破頂, 低位買入, 安心持股先係贏大錢不二之選

暫時還是落後的股應該係MA, 下星期出業績, AAPL就睇下業績有無驚喜, 似乎又想衝頂

===

新加坡REITS / Business Trust

由星期一至五都有出業績, 例如指數成份股既C38U, C61U 派息都平穩中有增長, 如果每年平均有3%增長, 睇長遠5-10年收穫也很不錯

CY6U 依隻INDIA我自己完全MISS左, 真係今年玩高速增長, 同AJBU都係股價和派息齊升, 勁到無朋友

RW0U 雖然話香港受影響但occupation rate 100%, 中國兩個商場就受人仔貶值就減少左貢獻, 但日本個六個OFFICE貢獻開始大, occupation rate 100%, 當股價跌到現價水平約6.2-6.3%, 相對香港REITS 4.5%-5.5%, 或者會有股價提升空間, 但實際係點就唔知道了

最後想講尋日LIW, 即係Eagle Hospitality Trust, 話說有個portfolio Queen Mary 既船酒店話佢日舊失修, 擁有者話要收返個權唔俾佢經營, 但公司出左信澄清左話無問題, 唔會收返, 但似乎市場唔信, 尋日一野扯左十幾個%跌落去, Queen Mary 約莫貢獻15%收入, 星期三收市價$0.645, 打返八五折, 即0.645*0.85=0.548, 依家即打定輸數咁個市場, 我依啲比較樂觀既人就寧願信個TRUST係搞得掂, 一切照舊, 細注博落去, 可能都係唔得架喇, 又係輸死無命賠既選擇黎

如果一齊照舊, 就有11%息既回報, 如果真係俾人收返, 得返8.2%息回報, 係咪有啲咁既賭局就不得而知了

2019年10月第三星期更新-美股和新加坡 REITS / Business Trust

快速總結一星期兩地表現, 主要只看自己手頭啲牌

===

US stock

到四季, 和之前兩年一樣, 年中去過52周高位既股都係有特價時段

例如SaaS 個堆ADBE, NOW, WDAY, CRM 咁, 升就升到你唔信, 跌又跌到你唔信, 如果係仲信個故仔, 現階段分注入未嘗不可, 係要分注分時段入, 咁壓力可以減低一點, 唔係如果現價又跌多一成兩成, 咁壓力一定會有, 但未至於處理唔到

V, MA, MSFT 就出業績, 睇下有無特價機會入貨, 機會難得, 好好把握

QQQ, VOO 都係個啲趁高沽少少, 趁低入少少, 部份短線部份長線

===

Singapore REITS / Business Trust

個別股份如ME8U 都係繼續破頂, 其實預左派息有增加, 係睇佢出黎未來增長係咪會比想像中好

其他如N2IU, CMOU, 就繼續集資提升未來增長及派息能力, 就咁睇係對股東有利既

至於出左業績既公司, 例如SK6U 就保持水準, N2IU有增長, A7RU就派息平穩, AJBU 就預期增長強勁, 因data centre 需求很大, 又收購埋A7RU個data centre, CMOU就相對預期好但似乎吸引程度不及BTOU和OXMU,

下星期就業績高峰期, 就咁睇唔會有太大驚喜, 如果做到平穩收息, 加埋收息每年自然增長, 其實已經好理想

2019年10月中更新 (美股+新加坡REITS/Business Trust)

十月又係業績高峰期, 大家可以留意一下美股和新加坡股既業績

==

新加坡REITS / Business Trust

1. 收購行動停不了, 發展真係無特別滿足現況, 例如ME8U 收購美國DATA CENTRE (本身由DLR持有, 賣俾ME8U 和Mapletree), 變左持有多啲FREEHOLD地, 未來增長又多一個潛力

2. AJBU買埋A7RU有份持有既datacentre, 變左雙贏咁

3. 新上市既JYEU 雖然得兩個物業, 新加坡既佔左七成收入, 好似好依賴, 但似乎有佢獨特之處, 淡馬錫又增持超過5%, 息口以本地lease expiry date 黎睇都有近5.5%, 可以考慮買返少少

4. 近一星期似乎比較落後既REITS有 T82U, C61U, RW0U

5. 依家STI INDEX 有四隻REITS: A17U, C38U, C61U, N2IU, 近排N2IU 咁強勢除左新加入指數成份股外, 似乎係佢收購既第二期Business City, 依個有機會提升DPU既因素都係要考慮埋

==

美股就波幅太大, 如果長線都要少睇啲先感受到長揸既美好, 個人會依然認為齋MSFT, V, MA, VOO, QQQ 五隻長揸短炒波幅都有幾可觀既回報

另外風險高少少就ADBE, CRM, NOW, WDAY

講黎講去都係個幾隻, 暫時睇係低位有無買貨, 高位有無沽啲貨, 有部份做下倉底, 有部份做下短線, 有助提升個人持貨既耐性, 最好依然係特價時段入貨

==

總結: 睇下業績有無變差, 有無驚喜, 主力長揸但短線仲有啲上落滿足個人喜好, 睇少啲財演講廢話, 關心多啲自己住既地方。

今年回報, 暫時大約好彩地有五成幾, 因上年最尾一季跌左太多變左今年好似好英明神武咁, 其實無咩咁特別, 咁Q減息利好REITS, 咁Q科網股又生性識升, 所有野都係好好彩咁, 長線先係獲利重點: 派息+派息增加 --> capital did not change + 資本增值埋

2019年9 月中更新

真係隔左差唔多三個月無更新, 發生左太多事

長路漫漫, 始終要過生活

我都認同有啲BLOGGER講要點預備好之後生活上要所準備及選擇, 至於點選擇純個人睇法, 只係知黑白是良知

所以精選部份個人認為可以持之效既股仔分享一下

==

1. 新加坡REITS / Business Trust

繼六月更新個篇之後, 多左睇多左點解有啲股份息口相對低但依然受到追捧, 原因不外乎因為一線位及LEASING EXPIRY DATE 相對較長, 同埋美國進入減息周期, 所以收租股長期受追捧

(1) CLOUD RELATED: CJLU, ME8U, AJBU, AR7U
因為宗旨係科網股, 個人依四隻持倉最大, 唸法好簡單, 上網係必須, 係網上分享資料又係正在用緊, 係穩中求勝既選擇

(2) 一線股: N2IU, A17U, C38U, C61U, C2PU, J69U, T82U, SK6U
息口可能得4-5% 左右但穩中求勝, 收息+capital gain, 希望有7-10%回報

(3) 二線股: M44U, RW0U, BUOU, ND8U, CY6U, K71U
有匯率風險但息口相對高啲, 可能比例上要自己調整一下

(4) 高息股: O5RU, CNNU, BTOU, CMOU, OXMU, UD1U, J91U
各種原因, 令一堆二線新加坡REITS, 或者歐美既收息股有6-8% 息口回報

(5) 酒店: J85, XZL, LIW, A68U, Q1P
公佈左A68U準備同Q1P合併, XZL和LIW七月新上市但息口不錯, 可以細注持有

新加坡依部份就穩定收入有, 持有可收息, 短炒就有高有低自己衡量風險

有啲一年四次息, 有啲一年兩次息

==

2. 美股

其實黎黎去去都係個堆, 差在係有無買, 點買法, 咩比例

1. ETF: VOO, QQQ

2. Core holding: MSFT, V, MA

3. Cloud related: ADBE, CRM, NOW, WDAY

4. Others: PYPL, AMZN, AAPL, DIS, UNH, BRK.B, GPN

當咩都唔識, 齋月供ETF, 同CORE HOLDING個三隻, 照計長線都可以跑贏INFLATION架喇, 又減息又印紙, 齋打工真係搞唔掂, 供樓要有本錢, 打長夠戰又要有本錢, 做咩都要有本錢, 就係咁。

==

當平均一年10-12% 回報, 有一定本錢再滾落去, 就已經好唔錯

至於上面兩地股票選擇似乎著重兩地本土股票, 而沒有世界最強國家既股票既選擇既? 有啲咁既事, 真係唔覺喎

2019年6月月結 / 科網股投資想法(二) / 新加坡REITS(一)

Sing Hallelujah to the Lord

Sing Hallelujah to the Lord

Sing Hallelujah, Sing Hallelujah

Sing Hallelujah to the Lord

六月真係太多事發生, 真係好奇怪, 道理好簡單, 政府做好事幫市民就無人反對, 當你齋經濟發展先算又無, 如果計已發展城市或者國家黎計, 真係唔多會係咁, R晒頭唸唔明

===

港股: 比例只會慢慢縮細, 資金會專注美股及新加坡股票身上。手頭都係900, 331, 1883, 46 四隻收息為主就算

美股: 其實講黎講去都係個堆為主力, 以ETF QQQ, VOO 為主, 佔左約五成, 另外五成就自己選下股, MSFT, V, AMZN, AAPL, ADBE, CRM, NOW, WDAY
MASTERCARD 因為AAPL就出信用咭會加返啲, 另外有個兩個SECTOR睇左一排都覺得要加返, 其中一個DIRTY WORK 係WM, RSG, 如果以息口每年增加角度睇, 係幾穩步增長

新加坡股: 資金係攞明入左去新加坡將一堆REITS炒高晒, 你當賺息差好, 定係啲錢需要買啲收息股票都好, 依家係MAPLETREE個四隻, 指數成份股個三隻全部創晒新高, 證明優質資產有價有市, 無辦法唔加大注碼

===

上回講到科網股聯想

網絡接駁有新加坡代表CJLU

DATA CENTRE: 香港代表1686 新意網, 新加坡就AJBU, ME8U, A7RU有少少, 美國三間, EQIX, DLR, COR

補充: 5G代表美國有AMT, CCI, SBAC, 詳情還是看專業分析: http://aliinvest.blogspot.com/2019/06/amt.html

===

新加坡REITS

除左科網個幾隻外, 仲有邊啲又係落後但又有POTENTIAL 咁仲係有啲既,

BTOU, CMOU: 有美元計價, 息口很不錯, 差在係咪信佢資產保持到租值

CNNU: 歐元計價, 同一道理, 能否保持租值先係重點

O5RU: 新加坡資產, 近月有啲回勇跡象, 個派息似乎保持到

==

一個月寫一篇也很不錯, 收到股息就放返入去再投資, 股賺股, 扮晒長線型投資咁, 暫時成效顯著, 升左又唔駛太興奮, 跌左又唔駛太失落, 股票就佛系, 人生就充滿挑戰, 咁趣味比較大。

2019年5月月結 / 科網股投資想法

由上次開始由星期結改為月結, 正式進入自動導航階段

今個月月初明明仲好地地股市好順利, 風平浪靜, 點知一個貿易戰又令到港股出現下跌, 有危有機, 還記得半年前約十一月又係又要生又要死, 地球又準備第N次爆炸之類, 睇得多類似新聞都真係浪費青春, 又一個月後睇返今日會係咩光景

我唸依家有三個選項睇你點投注:
(1) 大灣區榮耀組
(2) 西方霸權組
(3) 中立國


港股: 比例約25%, 其實900, 331, 46 就尚算穩定, 反而1883 股價抽跌得幾離譜下, 上前十一月都有類似情況出現, 就係778, 808, 435 話繼續加息定唔知點, 總知就REITS係咁質低左, 你望返今日股價, 有危就有機架喇, 依個係CONFIRMATION BIAS, 咁都要講下, 唔係突然買左, 無左兩成, 係咪有咩特別原因架, 點知, 佢想跌咪跌, 想升咪升, 係睇自己同個息率有無好感

US: 我唸佢地貿易戰最大傷害係美國公司係中國有生意個一批, 咁晶片股可以唔駛買住, 仲有咩AAPL, NIKE, DISNEY 之類都會受到影響, 暫時短期影響, 係咪長期影響就睇係傾唔傾掂數, 如傾得掂, 一切照舊, 傾唔掂, 咪啲公司開始適應無左中國市場後股價反應左之後既情況, 幾時可以買入, 世界唔會因為咁停左唔行

咁今次有機會買入既咪BABA, 剛星期俾雅虎母公司擲貨, 上次見過$130, 咁出左一次業績, 話CLOUD個PART幾好, 如見有值博率咪買返少少

新加坡股: 主要睇收息REITS個堆, 好厲害, 保持強勢, 如果仲想買既話, 可能有啲調整入下ME8U, CJLU, AJBU 依三隻, 一陣下面詳細講多少少, 仲有堆高息既中國及美國REITS也可以留意下

==

科網股投資想法

以下網站解釋左IaaS, Paas, SaaS 大概係啲咩黎, 咁普通USER都係在SaaS, 咁都好合理

https://rubygarage.org/blog/iaas-vs-paas-vs-saas

咁係依三樣野之前係有一堆野需要做左準備先可以做到依三樣野既

1. 電力, 香港最穩定, 例如2中電

2. NETWORK: 4G, 5G 都係必須, 香港代表6823, 1310, 新加坡代表CJLU

3. DATA CENTRE: 必須的, 有要求, 而且有供不應求既情況, 香港代表1686 新意網, 新加坡就AJBU, ME8U, A7RU有少少, 美國我會睇依三間, EQIX, DLR, COR

當然仲有咩管理人員, 清潔人員, 要保持個標準, 咁就找找有咩好買, 有既請留言分享一下

4. 去到個三舊野
(1) IaaS: 地球三個大佬: AWS, AZURE, GCP, 中國代表就肯定BABA, 之前試過係AZURE做machine learning, 用左無刪個subscription, 繼續落去都會計錢, 真係當印銀紙咁上下, 當然人地有成本

2. PaaS, software developers, MSFT又係有份

3. SaaS: end users, officer 365, CRM, gmail 之類

你可能唸, 車有咩咁特別, 我買部NOTEBOOK裝晒啲軟件係自己NOTEBOOK用咪搞掂, 駛鬼用佢啲SERVICE咩, 咁人地好處咪就係你有一部上到網既電腦, LOGIN入去, 咩軟件都用到唔駛自己裝, 屋企用依部電腦, 公司又另一部都無問題, 所以之前啲文有提及既ADBE, CRM, SERVICENOW, WDAY 等等咪一個已發展既系統, 公司買左個服務黎用, 即刻用得, 之後每年都要俾錢續ACCOUNT, 即一旦投入想走甩唔用一啲都唔容易

如果第日做到打機都唔駛買主機, 上網直接打, 就真係無敵, 得益既唸黎唸去又係MSFT.....