今日的投資決定, 10年後或者會多謝你自己

1/1/2016

S&P500: 2043.94

NASDAQ-100: 4593.27

1/1/2026

S&P500: 6845.5 (+234.9% Vs 2016)

NASDAQ-100: 25429.85 (+453.6% Vs 2016)

中間10年, 日日想有新聞睇一定有大量, 日日有分析長中短走勢都有大量, 「今日MICROSOFT 出左個高預市場既業績, 股價收市後升左10%」, 「美國加息 / 減息」, 「總統選舉有結果, 預計未來幾年經濟好 / 唔好, 納指估計會持續受壓 / 上升」, 好似fill in the blank 咁, 點填都可以有幾十單「預期」, 「深度分析」, 但最後浪費左一大堆時間得個吉。

投資本身唔複雜, 複雜係人性上, 好容易受外邊消息影響, 「我買樓賺左三百萬」, 「買AMD 今年都賺左一倍幾」, 「是但一隻記憶體公司今年都賺幾成到幾倍, 仲買你指數ETF 做咩先, 咁慢」, 「月供QQQ, VOO 係咪實賺架, 點解我仲輸緊錢, 你係咪會賠返俾我架」

生命短暫, 搵啱自己生活 / 投資模式, 然後進行, 低調啲, 唔洗同人講, 自己錢自己決定, 人地意見可以唔聽, 可能你問起人地講幾句純粹分享下, 人地以年既方式睇件事, 你以日既方式睇件事, TIME FRAME錯晒, 好似跑長跑咁, 你練幾個月都可以跑長馬, 人地以年計咁練習跑半馬 / 全馬, 本身依件事兩者都無問題一樣, 各人目標都不同, 前者可能只係人生跑一次完成, 後者可能係想年年跑想連續跑十年, 中間自我檢討+改善過程+樂趣。

ETF(3): VGT, XLK, SMH (technology / semi-conductor 指數型 ETF)

終於黎到ETF 最後一集, VGT, XLK, SMH, 拉長近十幾年回報看是高於VOO, QQQ 但同一時間波幅都比較大, 重點都係不要槓桿, 月供周供或趁回調買入, 買入去持有等收成, 方法唔洗太複雜, 每年都可以有平均約17-22%回報, 但每年都會有很大波幅, 遲下12月仲話有埋每日TRADE足23小時, 差加密貨幣一個鐘咁解, 邊有咁得閒每分每秒睇住, 去睇下神殿, 博物館啲歷史遺跡好過喇。

==

(Till 10 Aug 2026) (五隻ETF比較, SMH 大幅拋離但同時間波幅都大, VOO/SPYM 雖然「只有」~13%回報但波動低一點, 可能會覺得安心一點)

 (不計股息)

VGT 近15年回報 (不計股息)

XLK 近15年回報 (不計股息)

SMH 近15年回報 (不計股息), 明顯波幅較大, 但頂得順回報都會多一點。

=========

相關連結

ETF(1): SPYM (追踪S&P 500 指數ETF)

ETF(1): SPYM / VOO (追踪S&P 500 指數ETF)-續集

ETF(2): QQQM / QQQ (Nasdaq-100 指數追踪ETF)

股神教條: 不要槓桿, 長期持有S&P500 ETF

我覺得最唔抵係德國後生仔, 明明選對所有股, 但因為無風險管理俾人整左穫, 個人覺得出錯在所難免, 但又係俾華爾街贏依單野好唔抵, AI理論上係改變未來世界既工具, 但似乎又去返BITCOIN一樣, 有啲人想要返個話事權, 我就不表認同。

但認同與否, 只要有客戶, 有槓桿, 有不可控既壓力, 就基本上有機會出錯, 只係個錯係好大定好細, 係自己問題定影響埋其他野, 很不幸。

所以老散又唔係太有興趣邊間公司AI支出大, 所以倒跌; 另一間無支出, 所以升, 然後又大台地等啲野做好我先選黎用, 有無咁著數我就唔知, 但根本控制唔到既野咪唯有持有指數ETF, 不論升定跌, 長期持有再持有, 以年計, 理論上會有不俗的回報。

結論: 野可以唔洗識太多, 唔好借錢, ETF買左之後完全唔好睇, 唔洗睇, 唔需要睇, 回報自然會到手。

***************************

香港炒野之友既大佬又派貼士:

1. 儘量買ETF唔買個股, CHILL住咁炒容易啲

2. 港股都係買ETF, 唔洗俾稅

3. BTC 七萬樓下日供, 周供, 月供, 下個周期有週突破新高

4. VOO, QQQ 月供點供, 時間夠長, 100%賺錢

其實都係大路野, 但唔知點解啲人覺得佢害緊人, 例如本身無興趣炒股, 但又明知金錢貶值速度太快, 買股係純粹唔好俾銀紙貶值得太緊要, 所以提供個月供QQQ, VOO 方法黎有一個唔錯既回報, 出發點非常正路, 10% 好, 15%好, 都叫做正回報, 好過做定期, 不過波幅一定有咁解, 在所難免。

納指100「大跌」5%之後, 應該怎樣處理?

答案: 跌就係「平價」買入既機會, 貴唔想買, 跌就想再跌啲先買, 愈跌又唔買, 到升返又想跌返先買 --> 到最後無做過野

個人做法:繼續主力以SPYM, QQQM, XLK, VGT, 做個底, 盡量唔郁

再加埋近月睇到比較清晰既路線:

CPU+GPU: AMD

Memory: DRAM, MU

Photonics: AAOI <- 大佬提供, 先買後研究

Semi-conductor: SMH, SOXX

做法都係分注入, 入夠目標股數為止, 然後等市場帶動, 將複雜既野簡單化, 最後就耐心等待回報。

Photonics ETF

FOTO

https://fotoetf.com/fund-data

DRAM, MU, AMD 現價升多一倍, 好似會係今年之內發生 (20260527)

MU 過左一萬億市值, AMD 緊隨其後, DRAM 是但都升多一成

只要市場開始發現, 原來記憶體依單野唔係周期性, 係長時間缺貨但AI係必須要有

CPU 個比例係想像未來既幾年要增幅勁多, 最好既CPU都係由AMD 出品

今期DRAM <- 有大師加持, 安心買入

AMD <- 信蘇媽, 不怕

咁就唔係幾年升一倍, 係一年升幾倍

==

NFA. DYOR. 

回升後指數繼續破頂, 再破頂

上個月今日, 啲美股日日跌, 天天跌, 真係日日都好似懷疑人生咁

過左最難過的三月尾, 就突然好似迫夠啲貨沽晒出黎, 之後黎個天天升既大升

和上年三月尾四月頭基本上無分別, 想跌就跌, 想升就升

跌市顯示個股價值, 升市顯市個別股份未來前景

究竟怎樣處理升升跌跌既股市, 但又可以令自己資產同時得益? 買指數ETF作長遠投資, M2繼續升, 銀紙繼續貶值, 如果以S&P500 回報作為基準, 大概可以對抗銀紙長遠貶值的惡果, 好得人驚, 真係焗賭無得唔玩, 唔玩棄GAME 輸多幾成, 但唔知自己輸左。

最簡單例子, 十年前普遍茶仔幾錢一餐飯, 依家幾錢一餐, 起碼差幾成, 稍為貴啲既餐廳又係差幾成, 即用現金買野啲野愈買愈貴, 咪就係銀紙貶值左。

結論: 趁回調入指數ETF, 月供ETF, 周供ETF, 用自己適合自己既方法, 一定要買入持有等收成, 無興趣無時間就買左唔洗睇, LOGOUT 個ACCOUNT, 等幾年自動增值, 再增值

當S&P500 ~12% 年回報, 72 RULE, 6年左右升一倍; 再6年升多倍, 所以18年之後理論上

$100*2*2*2 = $800, 多左700% 錢, 叫做和通脹同步, 咁先係起碼唔駛輸。

==

Youtube 剛睇到曾生信箱, 香港買唔買樓都可以參考一下。

見底後繼續回升

確實長線投資才會是最後贏家, 就上月尾一片悲觀心態, 只不過1-2星期來一個反轉, 普通投資者又怎會可以跟到市場回報? 唯有是長線投資, 不槓桿, 當做定期, 跌就繼續持有, 升又繼續持有, 有股息收入又將投息買入去ETF, 日積月累, 買個堆美股ETF 如SPYM, QQQM, BRK.B, 進取一點就SMH, SPMO, VGT, XLK, 睇長遠一點, 5年10年, 當一年12%回報, 每6年本金升一倍, 12年就多300%, 18年就double 再double 再 double, 就算最後得四倍回報先算, 都已經係很不錯的回報。

(其實我都係提醒自己, 唔好有太多自己想法, ETF係皇道, 沒有其他)

==

世民兄講煙草和社交媒體, 其實都有不少相似之處, 戒社交媒體但可以投資落去。

美股試左第一次底之後隨即回升, 指數甚至乎高於200天平均線

暫時走勢似上年3-4月, 來一個急速回調, 然後就慢速回升, 今次係咪咁複製咁著數就真係無人知, 所以都係趁跌入下啲ETF, 突破左啲牛熊位又可能入返啲補下貨, 其實都係升升跌跌, 長線好過做定期, 短線總會有波幅, 反正回報不是線性向上, 有時高回報, 有時負回報, 倒不如專心做自己喜愛的事情會更加美好。

==

剛看的youtube

<<風的形狀>>

脂肪肝+三高+心臟病的關係

MSFT, V, MA 進入價值投資買入位置-20260121

好似又好耐無寫, 又寫返幾句: 集中大公司, 集中指數ETF, 恒之有效, 買入持有安心睡覺, 再加埋有三幾年現金隨時可用, 心理+實際上可控, 股票升跌就有時間見証 (不斷破頂)。

美股可以上升, 又可以下跌, 有時同朋友講起MSFT, 好得意, 永遠見短期頂之後會調整$100 先會見低, 例如上次升到$460 -> $360, 然後今次 由$550 -> $450, 又係自然發生, 上上落落好正常, 都係PE有時高, 有時PE低, 都係市場氣氛問題, 但睇返用十年一個INTERVAL黎睇, 2016年大概$48-64左右, 十年走來靠CLOUD, M360 subscription model, 今日大概$453, 大概升左8倍左右, 係好無野做架, 齋坐等收成。道理同樣在Visa, Mastercard 身上, 趁回調均注買入, 然後等收成, 輕鬆面對, 其實最好方法係開個戶口, 買入左LOGOUT, 過幾年登入返, 自動增值, 輕鬆到岸。

(轉載) (廣東話)扮工一族越努力睇市就越窮！學識「反人性」守住「能力圈」先有發達希望【HEA富｜郭釗】

ETF: VGT Vs XLK, 另加股神送錢俾你洗

截止今年回報 (till 20251108):

QQQM: 19.3%

VGT: 22.4%

XLK: 23.9%

==

過往五年平均回報:

QQQ: 19.2%

VGT: 20.5%

XLK: 20.5%

===

所以除了SPYM及QQQM之外, VGT + XLK 都幾值得買入的ETF 月供或低位買入長期持有, 當做定期。

==

VGT 由DUNCAN兄提供, XLK 其實好多年前睇美股隊長本書睇返黎

迷思: 明明AMD / NVDA / AVGO 今年回報都40%-90%不等, 為何要買ETF回報咁低既產品啊?

個人看法: 個股升跌好睇個人看法+命水, 無人阻你買, 是但一隻MU WDC 都升你三幾倍, 但未必可以揸足全程, 可能我自己能力太低, ETF就夠殘廢, 唔太洗睇合埋眼有佢, 只要係牛市就一定有回報, 所以各施各法, 重要係咩野升都好, 自己都要有份參與, 

唔係就好似前幾日股神隻BRK 跌到近$470, 業績開埋都話股神廢, 人地唔要我咪要, 咁個幾個%回報唔係多, 但係市場送俾你都無理由唔要, 股神廢架嘛, 最重要係全城都俾幾個POST 洗晒腦, 又多現金唔識投資, 真係廢架, 基本上同啲數據話咩般尼主場廿幾場無輸過一樣, 一講就開對家, 好有趣。

===

VGT (Expense ratio: 0.09%)

==

XLK (Expense ratio: 0.08%)

免佣買賣美股(重POST)

近月最受歡迎的三篇文章, 有作不定期的更新, 我打算之後會簡單講多點IB和FT的基礎應用, 有興趣或有問題的可以隨時發問。

「港元轉美元, 要繼續增值, 保持購買力, 納指幫到你」

美國ETF(6): IGV

除了QQQ, IPAY, XLK, 其實還有很多ETF值得關注及理解一下其中分佈, 今次會簡單介一下IGV (iShares Expanded Tech-Software Sector ET)

Source: ETFDB

美國ETF(5): XLK

見有網友買ETF的XLK及QQQ的分別, 我簡單少少看看兩者組成有什麼分別。

Source: ETFDB, etf.com

XLK, expense ratio: 0.13%

美國ETF(4): IPAY

就看ETF字面, 就大約知道是關於支付的公司, 如果看本網誌有一段時間, 就知我一開始推介Visa, 之後因為蘋果的credit card 和Mastercard合作之後就都加入持入組合, 另外有少量Global Payment, 基本上V, MA 已經是組合必有, 可能近月因疫情關係會令例如遊客在其他國家運用信用咭機會大幅降低, 但網上消費如果有足夠運用量, 應該可以抵銷部份損失)

Source: ETF.COM

20200303-兩隻必買的美股ETF

 (***本網誌 facebook page, 請按like)

US stock(置頂文) (經常更新)

(1) 穩定增長股(精選), (2) 高速增長股(精選)

(更新-20200329) 如果想完全不想理會股市, 但錢儲在銀行戶口不斷被「打劫」, 可以做的是買追踪指數既ETF, 最簡單就買美股的S&P500, 及接近納指的 NASDAQ-100 index
(註-20210325：一年後這個更新加的statement 依然有用，請繼續你的投資方式，不變應萬變，最終可以跑出)

1. VOO (追踪S&P 500 指數的ETF)

(Date: 2 March 2020)

https://www.etf.com/VOO#overview

最高比重的都是科網的巨人如MSFT, AAPL, 另還包括其他行業如有銀行股, 比例不少。管理費為0.03%。

近十年平均回報約8-10%, 每季派一次息, 未計及除稅前約有現價2%息。


2. QQQ (trace NASDAQ-100 index ETF)

(Date: 2 March 2020)

https://www.etf.com/QQQ#overview

科網股佔63%, 主要以AAPL. MSFT為主力, 不過其中有一個好大的缺點是沒有Visa, Mastercard

近十年平均回報約15-17%, 也是四季派息, 不過息口不會太高, 未除稅前平均不足1%, 但買QQQ目標是股價上升。管理費為0.2%。(註-20210325：現QQQ股價約$310)

==

如果想買入, 其中的策略並不複雜

1. 月供, 無論股市高或低都買入定額金錢或者定額股份, 可以一股股買, 十股八股買問題都不大, 有部份證券行完全不收手續費, 最重要是不用付印花稅。

2. 高沽低買策略, 留一部份在低位入,長期持有, 另一部份可作短期投機, 任何情況下都持有股份, 可以感受一下持有的股票持有數年可能會升數十% 或者是一倍, 是很奇妙的事情

3. (新加-20210325)不賣股，但每逢大調整時，在低位繼續分注入貨，buy and hold

4. (新加-20210325)判斷適當時候的「高位，沽出當時資金的20%為現金，等候下調買入的機會，雖然不一定會賺盡，但在低位時有時買入股票，來一個八成持股，兩成現金等熊市，一年還是有2-3次是「股災」。

(新加-20210325) 人生太短，出手要更大，VOO，QQQ是相對穩定之選，現金可以增值但不能大幅增值，如果想用ETF賺取自己的人生，「上契」確實是一個不錯的選擇，只要你夠膽調整入，逄底入，財富增值就有你的份兒，到時可以幻想自己財務自由，增加自己日後的選擇權，例如打工形式的改變(如只做兼職工作)，居住地方-可能周圍旅居，不用固定在辦公室工作等等，選擇權永遠在自己手裡，那人就有機會比較開心一點點。

==

歡迎支持到尾, 若喜歡文章, 請按like 及留言討論。




==

(last update: 20210325)

==

相關文章

科網投資想法(三)

科網股投資想法(二)

科網股投資想法

==

#標題黨