股神教條: 不要槓桿, 長期持有S&P500 ETF

我覺得最唔抵係德國後生仔, 明明選對所有股, 但因為無風險管理俾人整左穫, 個人覺得出錯在所難免, 但又係俾華爾街贏依單野好唔抵, AI理論上係改變未來世界既工具, 但似乎又去返BITCOIN一樣, 有啲人想要返個話事權, 我就不表認同。

但認同與否, 只要有客戶, 有槓桿, 有不可控既壓力, 就基本上有機會出錯, 只係個錯係好大定好細, 係自己問題定影響埋其他野, 很不幸。

所以老散又唔係太有興趣邊間公司AI支出大, 所以倒跌; 另一間無支出, 所以升, 然後又大台地等啲野做好我先選黎用, 有無咁著數我就唔知, 但根本控制唔到既野咪唯有持有指數ETF, 不論升定跌, 長期持有再持有, 以年計, 理論上會有不俗的回報。

結論: 野可以唔洗識太多, 唔好借錢, ETF買左之後完全唔好睇, 唔洗睇, 唔需要睇, 回報自然會到手。

***************************

香港炒野之友既大佬又派貼士:

1. 儘量買ETF唔買個股, CHILL住咁炒容易啲

2. 港股都係買ETF, 唔洗俾稅

3. BTC 七萬樓下日供, 周供, 月供, 下個周期有週突破新高

4. VOO, QQQ 月供點供, 時間夠長, 100%賺錢

其實都係大路野, 但唔知點解啲人覺得佢害緊人, 例如本身無興趣炒股, 但又明知金錢貶值速度太快, 買股係純粹唔好俾銀紙貶值得太緊要, 所以提供個月供QQQ, VOO 方法黎有一個唔錯既回報, 出發點非常正路, 10% 好, 15%好, 都叫做正回報, 好過做定期, 不過波幅一定有咁解, 在所難免。

ETF(1): SPYM / VOO (追踪S&P 500 指數ETF)-續集

我見昨天的POST反應好差, 所以繼續出續集, 希望多點理解, 就算最基本的指數ETF跑贏定期, 即使唔係LINEAR 回報, 最終時間一到, 回報自然就到手。

利用CLAUDE 找尋資料, 有幾點值得分享

1. 回報

2. 利用月供形式的回報

每月$100, 10%年回報, 20年年期, 有不俗的回報。

所以即使講了又講, 如果錢銀無咩投資對象, 但又知要跑贏通脹 (唔知CPI係咪反映現實), 利用S&P500 ETF 作長期投資基本上沒有錯, 如果又唔知咩時機好, 當然是回調時買入, 或者定時定額買入, 買入及持有, 咩都唔洗做, 經歷多幾年牛市+熊市, 最終會成為其中一個贏家。

(不涉及投資建議, 只作分享用途)

相關文章

ETF(1): SPYM (追踪S&P 500 指數ETF)

==

同一時間個YOUTUBE出左「教束」依套電視劇出黎, 如果有睇過都見到入面有幾個演員真係出左名

劉謙依啲真心厲害, 鍾雪攞埋影后, 仲有小薯茄其中兩個演員, 仲有爺爺, 有啲仲識唱歌, 有啲依家去左做主持, 有啲繼續努力做演員, 咩都有, 可惜係校長永遠都離開左。。。

ETF(1): SPYM (追踪S&P 500 指數ETF)

趁跌市睇返各大ETF 過去表現, 持有資產及估計未來表現, 第一間會是S&P 500, 有幾隻ETF出名例如VOO, SPY, 依家就盡量減低支出, 所以會選用SPYM, 其實幾間都分別不太大。

看看VOO 的資產比例: 

(From Yahoo date 20260315, https://finance.yahoo.com/quote/VOO/holdings)

其實都係大型科網股為主, 例如NVDA, AAPL, MSFT是佔比最大個間三間公司, 但比例就無QQQ 咁大。

再看近15年回報 (不包括派息): 

平均回報約12%, 當然今年是負數, 年年都有機會上升, 也有機會下跌, 永遠不會是線性的回報來, 所以升市平常心, 跌市又平常心, 幾適合當做定期, 每季有些少額外利息, 資產回報又有機會自然上升 (或者倒轉說成銀紙貶值速度太快), 所以換點"ETF幣"持有確實是必須, 差在是自己倉位多少比例。

如果簡單看50天線, 200天線的圖表, 股價準備跌穿200天線, 進入傳說中的股價在200天線樓下的「熊市模式」, 由於跌市莫估底的原則, 世間就會出現數個派系

有一派系會100% 現金不買股, 等升穿返200天線才安心買入; 

另一派系就價值投資, 逢低買入, 平均買入, 主要是估值便宜; 

再另一派系就不買不賣, 長期持有, 升跌市唔關我事, 睇多幾次「芙莉蓮」好過, 真係集集都好好看。

(當然還有短炒派, 又有啲就algo trading那些)

總結: 做定期就資產線性上升, 但遠不及指數長線的回報。

(Meanwhile 同一時間聽緊的youtube)

(2024年5月) 10% 以上的平均年回報, 可能很複雜, 也可能很簡單

由2011年計算至2023年尾, 不包括股息, 個別公司 / ETF 年回報如下: 

AAPL~24%

MSFT~22%

BRK.B~12%

VOO~11%

QQQ~16%

所以理論上, 只要對股市每天升跌一點興趣都沒有, 對經濟自問零認識, 只要買入持有等收成, 理論上應該可以輕鬆做到。

如自問對選股一點興趣都沒有, 但因為被迫參與金錢遊戲, 可能指數ETF, 或股神幫你選股, 應該都會有不錯的回報。

當然, 平日依然需要資金消費, 要有活期, 定期 及股票是最基本的。

#VOO

#QQQ

#BRKB

#MSFT

#AAPL

(2024年2月) BRK繼續破頂, 與BTC 繼續準備創新高, 和投資回報與個人性格的關係

新年快樂, 還是在農曆新年還可以祝大家身體健康, 想做什麼也可以自由地做到。

==

話說近排熱炒NVDA 一大堆AI股, 很強低位升上來有幾倍升幅, 可恨自己一股都無, 明明都買了DUNCAN的書+ 找了些資料來看 , 但不夠CONVICTION 就不足夠, 所以勉強無幸福, 找到自己的道路就好了。

例如股神的BRK.B就自己靜靜地創新高, 例如主要持有的五大日本公司基本上破頂再破頂, 利用日元發債, 買回日本公司, 幾乎是零支出來買股票, 有信用的公司確實有優勢, 所以即時蘋果沒有再創新高, 但股票投資, 股份回購, 手頭現金不斷等待機會, 確實是穩定增長之選。

(五間日本公司, 今年已上升10-20%不等)

可參考別人很多資金放在BRK的股票上, 保持每年增值, 滿足就很好。

(出書9年推薦的BRK.B 還是有打敗標普500)

https://cocreatingvalueinvestment.blogspot.com/2024/02/9brkb-500.html

=====

講完穩定講不穩定, 比特幣升穿$50K 後暫時在50K-52K之間徘徊, 可能等待四月HALVING後又回調少少再先創新高 (69K), 普遍看法是先看100K, 再上150K, 最樂觀是250K左右

看回歷史, 由2023年1月約16K, 要升十倍至160K, 好像是必然會發生, 是問題在於能否假設50K入, 可能會回調到40K, 然後才發力升上100K, 又回調然後再上150K之類, 無人知, 但重點是能否承受20-30%的波幅之中創新高, 才是重點。

=====

我見可以承受波幅的人都很極端, 性格完全不同但目標可以一樣做到 (和買美股忍受波幅持有到最後一樣)

(1) MARK策略, 50天線在200線那一大堆策略, 集中持有幾間, 要快速上升再買入, 對風險管理要求很高。

(2) 計量式, 用PYTHON SETUP一大堆方法買入買出, 門檻不低, 但成功了可以很成功, 香港也有幾個代表人物。

(3) 對買入的股票很了解, 可能是行內人, 或對公司很熟悉。

(4) 依一類人就超勁, 我都識幾個, 什麼都不用識, 例如MPF 就100%美股, 買美股我什麼都不知, 你話VOO, QQQ, MSFT, AAPL, 或者BRK.B 依啲好似好掂, 你唔用AZURE就大把機構用, 你唔同IPHONE大把其他人用, 年年要付費續新PLAN 而且不會減價, 但唔用又無咩其他選擇之類, 用COMMON SENSE方法, 買入左之後就咩都唔洗理, 你以為好似依個方法好廢, 其實比上不足, 比下有餘, 令人心悅誠服。

==

所以你本身想多點時間做運動, 或者要照顧老人家或小朋友, 或者喜愛周圍玩樂, 可能投資上你需要做的和股神建議看法一致就可以: 買入VOO 等指數基金, 坐定定等回報, 隨時最簡單的方法可以幫助你未來減少錢銀的煩惱。

#VOO

#BRKB

#BTC

SaaS 繼續歸位

  (***本網誌 facebook page, 請like page可以看到所有更新)

US stock(置頂文) (經常更新)

(1) 穩定增長股(精選), (2) 高速增長股(精選) (經常更新)

MSFT持續破頂, 中型SaaS 又繼續轉勢, 究竟有貨及還未有貨, 或者仍未夠貨, 現在可以怎樣處理, 是追貨買入, 還是繼續大師上身, 不買便沒有輸, 自我感覺良好呢?

用最簡單的方法, 獲取最基本的回報

話說上年這個時候, 香港風雨飄移, 但生活始終要繼續, 所以就幫家人設計一個簡單的投資方法

不同程度的投資層次

正如在建構投資組合, 組合構成建議如下

1. (20%) 穩定收息

2. (50%) 收息有穩定增長 + 股價有穩定增長

3. (30%) 可能沒有收息, 但股價可以有爆炸性增長

美股ETF(1): 3倍槓桿 TQQQ, UPRO, SOXL

由今天開始, 會一連幾星期不斷介紹美股, 看看反應是否相對新加坡REITS好。

==

ETF, 除了追踪指數的ETF, 還有一些槓桿式的ETF, 例如聲稱可以相對正常指數ETF增大兩倍或三倍增長, 或做相反的指數ETF, 即買指數下跌如SQQQ, 經過上二三月指數急跌後, 原來告訴我們ETF槓桿有機會「打爆」, 所以買入前請三思而後行, 或者注碼不要太多。

20200303-兩隻必買的美股ETF

 (***本網誌 facebook page, 請按like)

US stock(置頂文) (經常更新)

(1) 穩定增長股(精選), (2) 高速增長股(精選)

(更新-20200329) 如果想完全不想理會股市, 但錢儲在銀行戶口不斷被「打劫」, 可以做的是買追踪指數既ETF, 最簡單就買美股的S&P500, 及接近納指的 NASDAQ-100 index
(註-20210325：一年後這個更新加的statement 依然有用，請繼續你的投資方式，不變應萬變，最終可以跑出)

1. VOO (追踪S&P 500 指數的ETF)

(Date: 2 March 2020)

https://www.etf.com/VOO#overview

最高比重的都是科網的巨人如MSFT, AAPL, 另還包括其他行業如有銀行股, 比例不少。管理費為0.03%。

近十年平均回報約8-10%, 每季派一次息, 未計及除稅前約有現價2%息。


2. QQQ (trace NASDAQ-100 index ETF)

(Date: 2 March 2020)

https://www.etf.com/QQQ#overview

科網股佔63%, 主要以AAPL. MSFT為主力, 不過其中有一個好大的缺點是沒有Visa, Mastercard

近十年平均回報約15-17%, 也是四季派息, 不過息口不會太高, 未除稅前平均不足1%, 但買QQQ目標是股價上升。管理費為0.2%。(註-20210325：現QQQ股價約$310)

==

如果想買入, 其中的策略並不複雜

1. 月供, 無論股市高或低都買入定額金錢或者定額股份, 可以一股股買, 十股八股買問題都不大, 有部份證券行完全不收手續費, 最重要是不用付印花稅。

2. 高沽低買策略, 留一部份在低位入,長期持有, 另一部份可作短期投機, 任何情況下都持有股份, 可以感受一下持有的股票持有數年可能會升數十% 或者是一倍, 是很奇妙的事情

3. (新加-20210325)不賣股，但每逢大調整時，在低位繼續分注入貨，buy and hold

4. (新加-20210325)判斷適當時候的「高位，沽出當時資金的20%為現金，等候下調買入的機會，雖然不一定會賺盡，但在低位時有時買入股票，來一個八成持股，兩成現金等熊市，一年還是有2-3次是「股災」。

(新加-20210325) 人生太短，出手要更大，VOO，QQQ是相對穩定之選，現金可以增值但不能大幅增值，如果想用ETF賺取自己的人生，「上契」確實是一個不錯的選擇，只要你夠膽調整入，逄底入，財富增值就有你的份兒，到時可以幻想自己財務自由，增加自己日後的選擇權，例如打工形式的改變(如只做兼職工作)，居住地方-可能周圍旅居，不用固定在辦公室工作等等，選擇權永遠在自己手裡，那人就有機會比較開心一點點。

==

歡迎支持到尾, 若喜歡文章, 請按like 及留言討論。




==

(last update: 20210325)

==

相關文章

科網投資想法(三)

科網股投資想法(二)

科網股投資想法

==

#標題黨

對抗印銀紙(二) - 心理因素

上回講到買樓借貸係其中一個方法對抗印銀紙, 因為銀紙長遠都係貶值, 差在係貶得慢定貶得快, 但就係穩定地貶, 經濟好又貶, 經濟差又要印銀紙救經濟, 好壞都係貶, 無辦法對抗依個大趨勢

今次就講下點提升個人心理質素, 我唸都係好膚淺咁講買樓和買股就算, 好多書、BLOG都寫過, 當係重溫或者有點心點子

1. 買樓, 有實際生活需要, 咁可以租樓, 睇自己處理錢係咩心態, 有啲人租樓但將錢放係啲高回報既地方投資, 如回報遠高於租樓既錢, 其實係無問題; 有啲人就理財能力差, 咁樣迫佢每月出舊錢買一樣反而迫到佢地咁做, 最極端例子係8年內迫自己供完層樓, 每個月供好大舊錢, 人人情況不同

2. 買股, 依單野依幾年我感受比較深, 買股本身係可以但要選啱市場或者對象, 例如香港股市好大部份係高沽低揸, 無一個氛圍係長期持有股票當公司係自己係股東之一睇住間公司進步, 所以近年轉戰美股和新加坡股, 基本用啲好基本既方法, buy and hold, 就已經做到和市場同步或者好市場回報少少

其實我想表達係, 經濟有波動, 人有波動, 股票市場又有波動, 其實原因都係心理因素係最重要, 即係點樣可以用股票依個工具黎對抗印銀紙? 如果神級人事就梗係高沽低揸, 但可能係花左好多時間最後都未必跑得贏指數, 所以股神最新公佈持股, 就開始用返建議小股民既做法, 買入VOO / SPY, 即S&P 500 追蹤 ETF, 管理費0.03%, 仲平過盈富基金

至於點買為之減低心理負擔? 月供應該幾理想, 話之佢市好市差, 都買一個固定金額, 供到三五七年, 就好大機會跑贏銀行新資金定期回報, 追到印銀紙既貶值幅度

至於心理質素超高, 都係買指數ETF, 不過可以考慮加啲槓桿買, 或者自問有能力睇個市高低位, 例如前幾日納指過左9800, 依家96XX, 贏到佢200點差價既, 都可以長揸VOO, 另外玩下高沽低揸, 再加槓桿, 倍大個回報佢

重點: 唔係教科書, 無必勝規律, 有人齋高息股收息就滿足, 有人炒下炒下先贏到, 有人就唔想CARE話之佢升定跌, 因為仲有大把其他緊要野做, 各施各法, 最緊要有方法啱自己。 其實一定有MPF ACCOUNT, 可以攞入面啲錢試下實際操作, 可能令自己知咩方法適合自己一點, 起碼自香港市場啱口味啲定美股市場, 內地市場。


對抗印銀紙(一)

20200218-對抗印銀紙(一)

開始唔講啲今日咩業績, 邊隻有上升空間, 全部係晒目錄上面, 有齊新加坡股, 美股, 港股, 可以參考下

三人行兄係BLOG提及貨幣洪流, 或者叫做印銀紙, (其實有人問過美國當局你係咪印銀紙, 佢地話唔係, 我地啲錢可以收返.........), 既然知道依個情況係大勢不會改變, 愈借愈大愈上癮, 咁究竟有咩辦法可以自保避免手頭購買力不斷減退? 最基本答案係買資產。

資產點定義? 例如放定期銀行派息俾你咪資產 (有現金流入), 租車位泊車要交租就唔係資產(現金流出), 咁買左樓自住係咪資產? 每月俾緊供樓費, 現金流出, 咁定義上就唔係資產。

股神前幾年都有講, 利用買樓低息環境黎供樓借佢30年係幾好, 似乎含義上係講緊賺息差, 例如依家按揭息率約2.5%, 供佢30年, 近依十年八年係加過一次1/8厘, 基本上息口持續低息, 如果手上既錢月供VOO, QQQ, 咩都唔理, 每年平均有10-12%回報, 咁你賺佢個息差持續幾廿年, 咁就成為以保守形式地印自己銀紙, 叫做對抗到通賬

假設層樓6M, 一個俾九成一個俾六成, 假設MC借埋供, 首期差1.8M

6M, 90% mortgage, 30 yrs, 2.5% mortgage rate, yearly payment~$267,180

6M, 60% mortgage, 30 yrs, 2.5% mortgage rate, yearly payment~$170,688

相差$96,492, 又如假設可負擔得起個供款

如果將相差既1.8M放入VOO, 平均回報每年10%, 情況如下

頭幾年唔覺有咩特別, 過左頭幾年就開始會見成效, 之後就繼續時間是既朋友啲FRIEND

2020年一月更新-美股, 新加坡REITS/Business Trust, 港股

Again, you will never walk alone!

==

美股

十二月一個大升, 剛一星期又黎個升市, 依然繼續長期持有等收成, 個堆QQQ, VOO, MSFT, V, MA 都係放埋一邊等泡沬, 但暫時又唔係太泡沫, 好似升定部份2020年啲升幅咁

人棄我取股都升左少少, 如果仲想繼續人棄我取可以留意下STOR, ILPT

==

新加坡REITS / Business Trust

由十一月初至十二月有兩個月時間低價入市, 唔知點解要咁樣大特價, 最少打左九五折, 如果有分注跟入應該由今星期開始會有收穫, 代表包括C61U, C38U, A17U, T82U, 等跟住兩星期出業績前睇下會唔會有另一個衝擊

SK6U 出左業績, 都係預期穩步上揚, 收購埋澳洲個物業(佔50%股份), 今年另三個季度業績預期要好過上年, 個人就仍然覺得好吸引, 收息 + 增長, 睇五年好似幾無敵咁

如果仲想入啲落後股份, 可以BUOU/ND8U, JYEU有機會的, 或者睇埋業績先未遲

==

港股

近排開始加返本地股份, 繼續人棄我取, 主要係跌得殘殘地息率開始吸引為主

電訊股: 1310, 6823

REITS: 778, 435, 823

銀行: 11, 2388

其他收息股: 900, 331, 46, 14, 2

會繼續分注入啲

==

今日台灣選舉, 一人一票選總統, 自己有份選擇, 依啲就係有票在手既自由

如有台灣網友, 請珍惜自己手上的一票, 去投票

有個例子, 可以睇到唔同方法達到財務自由

咁啱見到如下

https://finance.discuss.com.hk/viewthread.php?tid=28738128&extra=&page=1

500萬點樣做到一個月三萬蚊被動收入

如果就咁計, $360k/5M=7.2% 回報, 基本上係納指或者標指既每年平均回報

其中有個回應雖然一句但對某啲人黎講幾有效

https://finance.discuss.com.hk/viewthread.php?tid=28738128&extra=&page=2

"槓桿一倍，再買 S-reit 加 ETD , 唔難做到呢個現金流。"

即係5M -> 10M 再做收息或者資本增值效果

咁如果唔想去得太盡咪可能借60%左右, 當借三百萬到八百萬

例如IB 借日元或者歐元, 1% 息, 即係3M有1%息

8M -> 70% 買S-REITS, 30% 買美股ETF

用返之前平均買Tech related (ME8U, AJBU, CJLU, A17U), 1st Tier (N2IU, C38U, C61U, T82U, J69U, C2PU, SK6U) --> overall 約5% 息, 1% capital growth --> 6% 回報 on average

30% ETF (VOO, QQQ) -> 保守啲當7% 回報on average

8M*70%*6% (S-REITS) + 8M*30%*7% (US ETF) - 3M*1% (借錢既息口)
= 336k + 168k - 30k = 474k -> 39.5k per month

當然有currency risk, 或者回報不似預期之類, 純粹個人認為係其中一個可行方案

如果可以繼續累積個本金每年再大一點, 扣除inflation 應該可以保持到30k 既purchasing power

至於其他方法就各施各法, 總有一個適合自己的

2019年第17個星期總結

進入美股和新加坡股業績高峰期, 就檢視下手頭股和未來潛在增長

===

美股

繼續唱好科網股, 一定要繼續唱好, 納指標指破頂, 繼續QQQ, VOO 買入計劃不變

業績如MSFT, AMZN 都係很不錯, AZURE同埋AWS依類平台增長估計還有好幾年增長空間, 首先係吸引客戶用, 之後去到某個位就增加收費, 情況一如ADBE去到依家既故事, 既然模式有得參考, 係非常令人感到有興趣買入持有

VISA就保持水準, 都係放埋一邊唔駛理, 除非有日信用咭有其他野可以取代, SERVICE NOW 又係比預期好, 依類股如CRM, WDAY 好細注持有, 但升幅就真係最好, 因為繼續係software eat the world.....

==

新加坡股

Mapletree 有三隻出左業績, 個人持有既ME8U 派息增長依舊不變, 可以做既係繼續持有及以股代息, AU8U 又係高息得黎尚有少少增長, 現價約有7%息又係持有少量, CY6U 印度資產, 雖然匯水貶值但增長依舊, 又係少量持有, BTOU 就美國資產, 經過埋今次業績後似乎派息部份清晰左, 有機會會增持, 現價又係估計有7%息, 詳情請看此分析。

依兩星期出左業績既新加坡股, 會繼續追返業績好有增長及有前景啲既REITS, 例如ME8U, BTOU, CMOU, 一係就相對派息低少少有增長快啲, 一係就本身息口夠高博佢有機會價升又收埋息

==

港股其他無野搞, 例如900 出左業績, 派息今季無增長但全年都有增長, 下年有無增長唔知但保持應該可以, 咁就繼續有市井智慧, 收息持有就算, 如果每年都可以保持增長$0.02 當然最理想, 唔得咪當每年平均增長$0.01都收貨, 除非賣左有其他好過佢咁穩定