股神教條: 不要槓桿, 長期持有S&P500 ETF

我覺得最唔抵係德國後生仔, 明明選對所有股, 但因為無風險管理俾人整左穫, 個人覺得出錯在所難免, 但又係俾華爾街贏依單野好唔抵, AI理論上係改變未來世界既工具, 但似乎又去返BITCOIN一樣, 有啲人想要返個話事權, 我就不表認同。

但認同與否, 只要有客戶, 有槓桿, 有不可控既壓力, 就基本上有機會出錯, 只係個錯係好大定好細, 係自己問題定影響埋其他野, 很不幸。

所以老散又唔係太有興趣邊間公司AI支出大, 所以倒跌; 另一間無支出, 所以升, 然後又大台地等啲野做好我先選黎用, 有無咁著數我就唔知, 但根本控制唔到既野咪唯有持有指數ETF, 不論升定跌, 長期持有再持有, 以年計, 理論上會有不俗的回報。

結論: 野可以唔洗識太多, 唔好借錢, ETF買左之後完全唔好睇, 唔洗睇, 唔需要睇, 回報自然會到手。

***************************

香港炒野之友既大佬又派貼士:

1. 儘量買ETF唔買個股, CHILL住咁炒容易啲

2. 港股都係買ETF, 唔洗俾稅

3. BTC 七萬樓下日供, 周供, 月供, 下個周期有週突破新高

4. VOO, QQQ 月供點供, 時間夠長, 100%賺錢

其實都係大路野, 但唔知點解啲人覺得佢害緊人, 例如本身無興趣炒股, 但又明知金錢貶值速度太快, 買股係純粹唔好俾銀紙貶值得太緊要, 所以提供個月供QQQ, VOO 方法黎有一個唔錯既回報, 出發點非常正路, 10% 好, 15%好, 都叫做正回報, 好過做定期, 不過波幅一定有咁解, 在所難免。

ETF(2): QQQM / QQQ (Nasdaq-100 指數追踪ETF)

講完SPYM / VOO, 當然要講一下QQQM / QQQ, 回報上相對S&P 500會多一點但波幅也是相對多一點, 所以利用不槓桿的方式長期持有, 最好當然趁回調+估值低買入增加勝算, 平均一年可以有>15%的投資產品, 有升有跌之下最後都係升, 其實都幾唔錯。

Top 10 holding (Yahoo: https://finance.yahoo.com/quote/QQQ/holdings/)

不計股息, 由2011年到現在的每年回報

咁啱市好去到上年平均回報去到17.5%, 今年回報依然是負數, 可能用幾年時間睇返依一刻買入係相當超值, 或者可能好似有啲報告話齋, 有AI 就唔洗要人腦, AI 統計地球, 只要信不要問, 講左話係咁就係咁, 有咁無著數? 自己想 (個個寫野既人都補依句, 自己想, 明明我睇完啲文都會自己想, 係唔俾佢自己唸法啦, 拍電影就OPEN END, 篇篇文都自己想, 有時唔知點想)

簡單啲, 

NVDA好似很好, 前三幾個鐘話要回購股份

蘋果繼續IPHONE生態圈

微軟就自己傻仔跌, 因為無人有OFFICE架喇, 無人用AZURE, 全部都好簡單既野架咋嘛

AMZN又係廢柴, 咩鬼野AWS, CLOUD, 又話有廣告收入又乘, 唔升就垃圾

仲有咩alphabet (GOOG), 英文字母咩, 又Gemini 又TPU又GCP, 最勁咪得個search engine + youtube, 好容易俾人取代架姐, (你試下由頭去取代下, 照炒都取代唔到)

所以廢話真係好多, 最終都係買入ETF, 持有等收成, 但謹記要低調一點。

===

今朝見到的好人好事, 香港人並沒有忘記。

ETF: VGT Vs XLK, 另加股神送錢俾你洗

截止今年回報 (till 20251108):

QQQM: 19.3%

VGT: 22.4%

XLK: 23.9%

==

過往五年平均回報:

QQQ: 19.2%

VGT: 20.5%

XLK: 20.5%

===

所以除了SPYM及QQQM之外, VGT + XLK 都幾值得買入的ETF 月供或低位買入長期持有, 當做定期。

==

VGT 由DUNCAN兄提供, XLK 其實好多年前睇美股隊長本書睇返黎

迷思: 明明AMD / NVDA / AVGO 今年回報都40%-90%不等, 為何要買ETF回報咁低既產品啊?

個人看法: 個股升跌好睇個人看法+命水, 無人阻你買, 是但一隻MU WDC 都升你三幾倍, 但未必可以揸足全程, 可能我自己能力太低, ETF就夠殘廢, 唔太洗睇合埋眼有佢, 只要係牛市就一定有回報, 所以各施各法, 重要係咩野升都好, 自己都要有份參與, 

唔係就好似前幾日股神隻BRK 跌到近$470, 業績開埋都話股神廢, 人地唔要我咪要, 咁個幾個%回報唔係多, 但係市場送俾你都無理由唔要, 股神廢架嘛, 最重要係全城都俾幾個POST 洗晒腦, 又多現金唔識投資, 真係廢架, 基本上同啲數據話咩般尼主場廿幾場無輸過一樣, 一講就開對家, 好有趣。

===

VGT (Expense ratio: 0.09%)

==

XLK (Expense ratio: 0.08%)

(2024年5月) 10% 以上的平均年回報, 可能很複雜, 也可能很簡單

由2011年計算至2023年尾, 不包括股息, 個別公司 / ETF 年回報如下: 

AAPL~24%

MSFT~22%

BRK.B~12%

VOO~11%

QQQ~16%

所以理論上, 只要對股市每天升跌一點興趣都沒有, 對經濟自問零認識, 只要買入持有等收成, 理論上應該可以輕鬆做到。

如自問對選股一點興趣都沒有, 但因為被迫參與金錢遊戲, 可能指數ETF, 或股神幫你選股, 應該都會有不錯的回報。

當然, 平日依然需要資金消費, 要有活期, 定期 及股票是最基本的。

#VOO

#QQQ

#BRKB

#MSFT

#AAPL

$8800的投資組合, 2021年買入

究竟HKD$8800 的投資組合可以買什麼, 幾年內有望double your money?

(如有雷同, 實屬巧合)

免費也有好東西的

2021年9月月供紀錄(1)

究竟月供和趁低吸納, 和分注買入有什麼分別? (主要月供QQQ, ADBE, NOW)

現在納指都升穿15000點, 創新高再創新高, 為何不買其他市場回調的公司?

繼續月供計劃-Aug 2021

繼續ADBE, NOW 月供, 另QQQ再繼續月供, 再加MSCI, NVDA開始月供, 到適當時候會補回月供紀錄作參考。另在2019年初買的QQQ到現在2021年終於有一倍升幅 (不計股息), 確實坐定定, 捱得過波幅, 就可以不俗的回報。

SaaS 繼續歸位

  (***本網誌 facebook page, 請like page可以看到所有更新)

US stock(置頂文) (經常更新)

(1) 穩定增長股(精選), (2) 高速增長股(精選) (經常更新)

MSFT持續破頂, 中型SaaS 又繼續轉勢, 究竟有貨及還未有貨, 或者仍未夠貨, 現在可以怎樣處理, 是追貨買入, 還是繼續大師上身, 不買便沒有輸, 自我感覺良好呢?

綜合數篇退休計劃文章

(開了facebook page, 請LIKE及FOLLOW!)

US stock(置頂文) 

市升就看好股票市場回報, 市跌也是看看那間公司可作出線退休, 趁特價時段慢慢買入等回報

平常心面對股票升跌

美股又升又跌, 一時息口低印銀紙, 一時就說要經濟衰退, 地球不會運作一樣, 看未來永遠是二元分法, 非好即壞, 不會有中間情況出現

用最簡單的方法, 獲取最基本的回報

話說上年這個時候, 香港風雨飄移, 但生活始終要繼續, 所以就幫家人設計一個簡單的投資方法

又升又跌, 如何部署 + 加速去銀行化 + nCINO介紹

最佳部署就是關電腦, 睡覺, 明天請早...

不同程度的投資層次

正如在建構投資組合, 組合構成建議如下

1. (20%) 穩定收息

2. (50%) 收息有穩定增長 + 股價有穩定增長

3. (30%) 可能沒有收息, 但股價可以有爆炸性增長

(轉載)中國隱形首富段永平的投資奧義：集中投資

郝承林在致富新世代3 提及段永平, 就看看他對投資的看法

https://www.stockfeel.com.tw/%E4%B8%AD%E5%9C%8B%E9%9A%B1%E5%BD%A2%E9%A6%96%E5%AF%8C%E6%AE%B5%E6%B0%B8%E5%B9%B3%E7%9A%84%E6%8A%95%E8%B3%87%E5%A5%A7%E7%BE%A9%EF%BC%9A%E9%9B%86%E4%B8%AD%E6%8A%95%E8%B3%87/

科網股長線投資價值不變

風雨飄移, 自己財富自己管理, 既然要全程投資買美國科網股, 一定要去盡一點

1. 核心如懶惰投資法 / 退休股 QQQ, MSFT, V, MA, 或是大型的AAPL, AMZN等等, 就算沒有買入個別股份, 都必須長線核心持有QQQ, 不懂美股不緊要, 持有其納指ETF, 相信美國公司可以不斷增長及繼續領先全球就可以了, 如果看了本網誌很久, 仍然沒有一股半股QQQ, 我覺得我自己好失敗, 不能令人信服科網股為何可以在未來5-10年跑贏大市, 還是遠比想像中加速得快

繼續用燒山腔, 談QQQ的10年退休計劃 (till 2030)

 (***本網誌 facebook page, 請按like)

US stock(置頂文) (經常更新)

(1) 穩定增長股(精選), (2) 高速增長股(精選)

YAN兄提醒我, 需要重複說明重要的事, 如果以燒生腔來表達, 那我讓重複一下:

第一, 生命只能活一次, 每一個選擇都不要留有遺憾就可以了, 別人怎樣看根本不重要

第二, 所謂的自由某程度建基於個人財政上, 沒有所謂的財務自由, 人生選擇權可能就會少一點

美股看法-July 2020

七月中至尾又到美股業績期, 看看科網股幾間公司可否再創業績新高

但近日美股之強勢實在有一點點憂慮, 無意看好或看淡, 因為每一次下跌都是趁低補貨的機會, 每一年都會有機會下跌, 而且有時會跌得頗急 (例如今年3月, 現在已是兩個世界), 但最終納指會再重返高位再破頂再新高, 周而復始, 萬象更新, 重要都是個人對個別公司心態問題, 當然高手可以高沽低買, 實力非凡, 我地平庸之輩只能夠賺取自己合理的回報

七月上旬總姞

1. 新加坡執政黨繼續大勝, 基本格局不會改變, 投資物也不會改變, 是否回歸價值只是還看疫情發展

2. 港股就爆升一星期, 日後如買賣港股可主力考慮科網股如ATM, 京東, 網易

免佣買賣美股(重POST)

近月最受歡迎的三篇文章, 有作不定期的更新, 我打算之後會簡單講多點IB和FT的基礎應用, 有興趣或有問題的可以隨時發問。

「港元轉美元, 要繼續增值, 保持購買力, 納指幫到你」

兩周回顧-20200621(美股, 新加坡股, 港股) + 模擬投資策略+父親節快樂

近星期比較繁忙, 少了一點分享, 但個人認為策略一直沒有變化, 升得太高就沽部份, 低得太多就買回一點, 長期持有等收成, 等納指升上萬五二萬點, MSFT升到$300-400, 但升了上去自己沒有貨, 就算說到天花龍鳳, 每天也留意財經世界大事, 一切只是浪費了寶貴時間, 因為人生除了投資有回報外, 還有很多別的事情要處理, 例如今天父親節, 如父親在世當然要好好愛護父親母親(其實平時也要做同樣的事), 有小朋友的就希望小朋友日後可以孝順自己一樣, 雖然很難每天保持樂觀態度, 但人生太短暫, 所有可以開心時且開心, 但同時又要為未來煩惱, 保持一個平衡。