買賣股票的時機

升下跌下, 似乎未見到最佳既時機, 如果用返連續兩日股市都係升市既話, 由上月月尾至今個星期都無兩日做得到, 所以都係未有最佳時機, 明明都係好抵買, 都仲可以跌落去, 如果話ETF斬倉, 高息REITS股斬倉, 真係無可能唔信, 高槓桿風險係自方方面面



除左高槓桿之外, 所謂價值投資我都開始懷疑係咪得返高賣低買依招, 但觀乎2018年尾和今次依兩次, 個市場話俾我聽係, 都係架, 高位沽, 低返三四五六七八九成入, 咁你唔駛咁堅持啲咩低位入長揸, 齋做到高位沽, 低入返就係咁啦, 唔駛咩高息未來前景優秀, 或者都係時候改變打法, 最極端, 好市200%倉, 差就郁啲就清左倉先, 沽左最穩陣, 反正又唔駛手續費, 一定係咁,

上星期紀錄, 基本上九成都跌到傻, 有一隻真係跌到識識地停既野叫Microsoft, 唔跌算贏左架喇, 最高$190 跌到依家137, 跌左三成跑贏唔知幾多股, 係跑輸左比現金

所以今星期總結: 話之你盤生意捱得幾辛苦, 最好執左佢有人有平野執, 唔係就要你平比我, 要你蝕住做, 咁就為之生存之道, 即刻點都係你蝕, 賺個時就話你賺得多, 公字你都係輸, 真係fair trade, 世界就在你手裡啦