Q: 喂尋晚道指又跌成千點, 港股又跌返五百幾點, 都話武肺影響大啦, 依家全世界都出事, 今次仲唔係經濟衰退?
A: 又真係可能係喎
Q: 咩可能係? 依家無晒旅行, 無消費, 你睇香港齋靠香港人自己消費就死得啦, 得幾百萬人洗得幾多錢
A: 又唔係既, 衣食住行咁點都需要既, 差在你係洗姐
Q: 依家先開始蔓延去歐洲, 北美啲地方, 開始大爆發咁, 啲市民就好似香港一個月前咁又搶廁紙, 又搶意粉, 咩都搶定先, 咁都仲唔大穫? 邊有心情洗錢丫
A: 咁即係佢地開始緊二月頭香港日常, 如果肯及時封關, 全民都口罩, 減少大型活動聚集, 應該都疫情可控既
Q: 唔係喎, 依家講到美國佬, 歐洲嗰邊啲人唔識做防疫咁喎, 你睇意大利, 德國個啲開始爆個政府先開始做野, 咁仲咪廢到無輪先?
A: 如果有足夠透明度, 政府後發先至都無話無做野既, 唔係咩, 你收收埋埋最後爆到傻左咪仲大穫
Q: 咁我唔同你辯論依個丫, 但係咁搞發啲股仔真係清左倉等佢大爆發, 好似有著數, 等跌返一兩成入, 都著數左架, 樓又跌左啲就玩減息, 話就話香港唔減息姐, 但點都影響到一個月Hibor
A: 唔知架, 可能真係得架, 不過空倉有空倉風險, 驚入唔返場
Q: 有無咩貼士先? 成鬼日都又美股, 又新加坡REITS, 係唔講多啲港股, 人地仲講中資股準備重新出發啦喎, 你嗰啲得唔得架? 你唔得唔好亂咁推介啦
A: 邊有百份之百, 我都係純粹分享下姐, 因為普遍啲人鍾意短炒, 一買入即升幾個%沽, 發一個大財, 再等跌又入又升幾個%, 又賺, 咁如是者十次八次咁就好滿足, 咁幫佢唔到
我依邊依啲傻仔方法, 叫人月供ETF, 拉長十年每年先得個一成左右回報, 仲唔係guarantee, 所以唔會有人理
Q: 咁梗係愈快愈好架嘛, 你都識講啦, 對抗印銀紙丫嘛, 你依啲方法咁慢點對抗到喎
A: 都可能係, 未必對抗到
==
相關文章
問與答(1)
兩隻必買既美股ETF
二月尾更新
沒有留言:
張貼留言