2020年3月23日 星期一

似乎睇錯市

似乎一日疫情無曙光, 一日見唔到黎明, 一日都係進入極大既經濟危機

今日由朝剪到晚, 剪多一堆股仔保命, 無辦法, 眼光差, 所以仍然要繼續學習點樣保留到利潤係袋, 唔係次次都係咁都幾洩氣

1. 新加坡REITS: 依家稍強勢係得CJLU及AJBU, 但講緊都跌左三成左右, 但相對其他50-70% 叫做有交代



2. HK REITS: 似乎依家價位已經預判定未來幾年租金無得加, 仲倒轉要減租, 導致DPU減少之類, 市場永遠正確, 犯左錯要付出代價, 但我有機會俾人打完左邊面打埋右邊面, 遲下先知

公用股都跌到傻, 唔知係咪見底先兆, 但綜合幾個BLOGGER專業意見, 似乎煤氣業績麻麻, 跟住恒基業績有三成係煤氣貢獻, 煤氣唔掂恒基都受影響, 新地又破底, 究竟何處昰底都真的難說, 因個PE要睇未來, 如EPS今年預期唔掂, 下年要即時反彈又可能唔係咁易, 所以無咩定論。

3. 道指跌穿萬九點, 其他最強既MICROSOFT 都跌左近三成, 其他就慘不忍睹, NNN REITS隨時跌五成至七成, (美國REITRS在新加坡上市個啲都最少跌五成), 所以之前減左唔夠, 唯有繼續減啲, 長線啲就無理由放棄, 會繼續捱.......

近排我唸除左要齊心自我抗疫, 齋信何柏良之外, 就係練好基本功, 點樣資產配置, 咩熊市現金七成股三成, 牛市就倒轉, 離成功尚差一少步, 搞得好就練功成功, 搞唔好就只能做平民百姓, 不過最終都係要認命, 如果真係盡左力

===

相關文章

美股又再停市

2 則留言:

  1. 只看圖表就唔太灰,雖然我唔知疫情幾時過,但CJLU及AJBU 在昨天都無跌穿之前的低位,可能已經穩返啲。

    回覆刪除
    回覆
    1. 今日又再穩返啲CJLU, AJBU, 係唔係堅就要睇多幾日

      刪除