美股及科網股長線投資網誌: 2020年總結 + 下年預期策略

2020年12月27日星期日

2020年總結 + 下年預期策略

(本網誌 facebook page, 請like及follow, 你的支持是我最大的鼓勵寫下去。)

US stock(置頂文) (update: 20201226)

又到年尾一年總結, 改善地方及明天策略

2020年很快過去, 又到新一年, 在「光速」的年代之下, 所有過去的事情不是必然, 確實要把握好現在, 想想未來怎樣走下去。

(今年總結)

麻麻地, 尤其二三月因疫情無即時盡沽新加坡REITS, 輸住賭要翻身確實有點困難, 是美股長期持有真的是價值所在。大概在六七月, 多看別人股票比例, 發覺中小型股增長速度極快, 開始跟著學習、了解、再學習, 令下半年回報稍為好一點, 再加上近半年美股IPO上市後還可以有幾成至以倍計的升幅, 所以新的股票買賣方式, 在2021年會繼續應用。

至於日講夜講的所謂CORE STOCK

QQQ (YTD ~45% )

MSFT (YTD ~41%)

AAPL (YTD ~80%)

V (YTD ~11%)

MA (YTD ~12%)

如果引用某些論壇來說, 廢柴唔好係度獻世, 隻V, MA得個10%多啲, 仲學人分享美股, 是但一隻PLTR兩個人都兩倍啦。。。

無話反唔反駁, 英SIR曾經在節目會咁答, 用基金角度, 會唔會100%資金全部賭落去PLTR先, 但我夠膽10%賭落去MSFT, 10%入AAPL喎。類似咁，睇你自己選擇, 我當5隻平均拉勻約~37%, 平時來說已經不算差了, 相對銀行息口是0%, 高息戶口(mortgage linked account) 約1.5%

若以整個組合以每年20%回報為目標, 十年左右資金升六倍左右, 所以普通散戶, 不想學股票, 但又也想被印銀紙影響個人生活質素, 簡單以依五間公司作為核心選項, 或只是一隻QQQ, 或女股神幫你睇埋的ARK 系列, 大注買入, 月供買入, 持有不理會中間波幅, 日日睡得好, 生活如常, 每季或每年檢討一次, 其實已經不發大達, 但也可累積一定的財富。

(下年預期策略)

既然時勢做英雄, 如果還只死守大股看來回報依然會跑輸一大截, 可以做得是開始加大中小型股, 潛力股及加密貨幣的持倉比例。

在提升回報率 (美國大型科網股 VS 中小型科網股)一文內, 最基礎的做法是大股與中小型股比例, 按照自己可承擔風險能力作出適當的比例分配, 有朋友話說他的朋友100%持有TESLA, 其實本身無問題, 畢竟今年升十倍八倍, 但就是中間波幅比較大會有心理壓力, 導致晚上睡不好, 如因股票升跌令,睡得不好, 就是蝕, (註: 人人承受風險不同, 有人100%TESLA可以的), 所以解決晚上睡得好, 除了要分散風險, 就謹記戶口要有1-2年現金儲備, 尤其是有家庭, 要供樓或租樓, 成家支出靠你 (即家庭支柱), 應該可以改善。

個人估計, 暫時會以50% 大型股 (linear growth), 50% 是中小型、新股、加密貨幣 (exponential growth) 作為比例, 如合適會進一步減大型股持倉至40%左右, 純粹印銀紙, 在銀行的鈔票繼續「大幅貶值」, 唯有加速個人組合的增長比率。

影片分享